E fundit!

19:12 Politikë

Mbledhje surprizë me deputetët?/ Çfarë pritet të ndodhë më 30 korrik

E enjtja e 23 korrikut është parashikuar si dita kur do të...

"Deklaratat e Trump janë serioze"/ Paralajmërimi i Putin-it: Nëse shkelet traktati për ndalimin e testeve bërthamore, do të reagojmë

5 Nëntor 2025, 15:45, Kosova & Bota CNA

"Deklaratat e Trump janë serioze"/ Paralajmërimi i Putin-it:

Udhëheqësi i Rusisë, Vladimir Putin, ka komentuar deklaratat e presidentit amerikan, Donald Trump, në lidhje me testet bërthamore.

Gjatë fjalës së tij në Këshillin e Sigurisë Ruse, Putin i ka përshkruar deklaratat e Trump-it si jashtëzakonisht serioze. Megjithatë, ai theksoi se Rusia nuk planifikon të tërhiqet nga Traktati për ndalimin e testeve bërthamore, por paralajmëroi se do të ketë një reagim nëse traktati shkelet.

Presidenti rus e bëri të qartë se vendi i tij i mbetet besnik Traktatit dhe nuk ka ndërmend të tërhiqet prej tij. Megjithatë, ai theksoi se nëse vendet që kanë nënshkruar traktatin vendosin të kryejnë teste bërthamore, Rusia do të detyrohet të marrë masat e duhura.

Putin-i gjithashtu udhëzoi Ministrinë e Jashtme, Ministrinë e Mbrojtjes, agjencitë e inteligjencës dhe shërbimet politike që të fillojnë përgatitjet për testet e armëve bërthamore.

"Unë udhëzoj Ministrinë e Jashtme, Ministrinë e Mbrojtjes të Federatës Ruse, shërbimet speciale dhe shërbimet politike përkatëse që të bëjnë gjithçka që është e mundur për të mbledhur informacione shtesë mbi këtë çështje, ta analizojnë atë në nivelin e Këshillit të Sigurimit dhe të paraqesin propozime të koordinuara mbi fillimin e mundshëm të punës për përgatitjen për testet e armëve bërthamore", tha ai. /CNA