web counter
LEXO PA REKLAMA!

SHKARKO APP

App Store
Google Play

Bordi i Paqes/ Trump mban fjalën hapëse: Disa nuk duam t’i kemi fare në bord, hapin telashe

19 Shkurt 2026, 15:48, Kosova & Bota CNA

Bordi i Paqes/ Trump mban fjalën hapëse: Disa nuk duam t’i kemi

Presidenti i Shteteve të Bashkuara të Amerikës, Donald Trump, ka mbajtur fjalën hapëse në mbledhjen inauguruese të Bordit të Paqes. Në fjalën e mbajtur, Trump u shpreh se gjatë mandatit të tij ka zgjidhur 8 luftëra dhe është afër për t’u zgjidhur dhe e 9, e cila ka qenë më e vështira.

Trump deklaroi se është një nder i madh të mirëpresë liderët e disa shteteve në takimin e parë të Bordit të Paqes. Më tej, presidenti i SHBA-së u shpreh se disa drejtues shtetesh nuk do që të jenë fare pjesë e bordit pasi hapin telashe.

Trump tha se ky bord është më prestigjiozi që ka ekzistuar ndonjëherë.

 

“Disa nga këta liderë më kanë ndihmuar në vitin e parë të punës sime, kemi zgjidhur 8 luftëra. Mendoj se dhe e 9 do të vijë, mendoja se do të ishte e lehtë, por është më e vështira. E vlerësoj shumë që jeni këtu, jeni liderë të mëdhenj. Suksese që u arritën, në fillim më thanë që nuk mund të realizohej as për 4 vite, në fakt u arrit për 1 vit. Arritje financiare të jashtëzakonshme. Jemi përfshirë në shumë gjëra.

Sot është një nder i madh që ju mirëpres për takimin e parë të Bordit të Paqes, për prestigjin nuk ka qenë ndonjë bord tjetër më afër. Disa po bëjnë naze, por ka dhe që bëjnë naze. Shumë drejtues kanë pranuar menjëherë. Ka disa që nuk duam t’i kemi fare në bord sepse hapin telashe.

Kupa e Botës që do të zhvillohet në SHBA ka shitur të gjitha biletat. Urime FIFA dhe UEFA. Falënderoj drejtuesit që kanë bërë udhëtime të gjata. Kjo ndërtesë u ndërtua për paqen dhe Rubio i vendosi emrin tim. Betohem që nuk kam lidhje fare me këtë. Askush nuk e beson, por nuk kam lidhje fare me emrin e kësaj ndërtese”, tha Trump





Lajmet e fundit nga