web counter
LEXO PA REKLAMA!

SHKARKO APP

App Store
Google Play

Betimi i Presidentes së Maqedonisë së Veriut/ Mitsotakis: Provokoi me një lapsus të palejueshëm

13 Maj 2024, 09:20, Kosova & Bota CNA
Betimi i Presidentes së Maqedonisë së Veriut/ Mitsotakis:
Kryeministri grek, Kyriakos Mitsotaki

Presidentja e re e Maqedonisë, Gordana Siljanovska-Davkova, gjatë ceremonisë së saj të betimit nuk përdori emrin kushtetues të vendit.

Siljanovska-Davkova u betua në emër të “Republikës së Maqedonisë” dhe jo “Republikës së Maqedonisë së Veriut”, gjë që ka shkaktuar një zinxhir reagimesh, sidomos nga Greqia.

Një reagim ka ardhur edhe nga kryeministri grek, Kyriakos Mitsotakis, i cili shprehet se kjo është një “iniciativë e paligjshme dhe një akt që shkel Marrëveshjen e Prespës dhe vetë Kushtetutën e shtetit të saj”. Sipas tij, Greqia nuk do të lejojë të tillë lapsuse.

“Ne deklarojmë kategorikisht se nuk do të pranojmë rrëshqitje të ngjashme. Dhe përsërisim se çdo përparim në marrëdhëniet dypalëshe, si dhe çdo hap i ndërmarrë nga Shkupi drejt Evropës, varet nga respektimi i sinqertë i marrëveshjeve. Nga përdorimi i drejtë i emrit kushtetues të shtetit fqinj. Dhe sigurisht nga shmangia e sfidave. Zgjedhja provokuese e Presidentes së re të Maqedonisë së Veriut për të shkelur tekstin zyrtar të betimit dhe për ta quajtur vendin e saj me një emër tjetër është një nismë e paligjshme dhe e palejueshme. Akt, i cili shkel Marrëveshjen e Prespës dhe vetë Kushtetutën e shtetit të saj. Megjithatë, duke minuar të ardhmen e saj, siç është deklaruar tashmë nga Presidentja e Komisionit Evropian, Ursula von der Leyen, dhe Presidenti i Këshillit Evropian, Charles Michel”, thekson Mitsotakis./ CNA





Lajmet e fundit nga