E fundit!

08:57 Aktualitet

Nis protesta para Parlamentit/ Policia zgjeron perimetrin e sigurisë, debate me qytetarët

Ka nisur protesta në sheshin para Parlamentit. Në terren k...

1093 ditë nga betimi si kryeministre/ Qeveria Meloni, e treta më jetëgjatë në historinë e Italisë

22 Tetor 2025, 14:10, Kosova & Bota CNA

1093 ditë nga betimi si kryeministre/ Qeveria Meloni, e treta më

Sot bëhen 3 vite nga marrja e detyrës nga kryeministrja italiane Giorgia Meloni. Meloni u betua më 22 tetor 2022 duke shënuar mandatin më të gjatë në historinë e Republikës Italiane, pasi vetëm qeveritë Berlusconi II dhe IV kanë pasur jetëgjatësi më të madhe.

Qeverisja e Melonit është e barabartë me kohëzgjatjen e qeverisë Craxi nga 4 gushti 1983 - 1 gusht 1986.

Në dy vendet e para janë dy nga katër qeveritë e Berluskonit: Berlusconi II mban rekordin për mandatin më të gjatë me 1,412 ditë në detyrë nga 11 qershori 2001 - 23 prill 2005, i ndjekur nga Berlusconi IV dhe i fundit me 1,287 ditë nga 8 maj 2008 - 16 nëntor 2011.

Në videon e publikuar, në mediat sociale, nga Meloni tregohen arritjet e qeverisë në disa fusha:

Punësimi: Shkalla e punësimit është në 62.6% dhe shkalla e papunësisë është në 6%, më e ulëta që nga qershori 2007.

Siguria: 37,400 punonjës të rinj policie, 6,101 zjarrfikës më shumë, afërsisht 4,000 dëbime nga shtëpitë ose ndërtesat e zëna, mbi 18,000 asete të konfiskuara nga organizatat mafioze dhe të dhuruara për komunitetin.

Paqja fiskale: 65 miliardë euro në periudhën dyvjeçare 2023-2024, rikuperim rekord i evazionit fiskal.

Kujdesi shëndetësor: Alokime rekord për fondin kombëtar të kujdesit shëndetësor me +17 miliardë euro që nga themelimi.

Trendi i rritjes së emigracionit të paligjshëm është ndalur duke zbritur me 29% dhe riatdhesimet janë rritur me 52% në nëntë muajt e parë të vitit 2025 krahasuar me të njëjtën periudhë në vitin 2022.

35 miliardë euro në investime të huaja direkte për bizneset e reja, eksporte prej 623.5 miliardë eurosh në vitin 2024 dhe 384.2 miliardë euro në shtatë muajt e parë të vitit 2025.

Giorgia Meloni, një politikane dhe gazetare italiane, lindi në Romë më 15 janar 1977. Pasi partia e saj, Vëllezërit e Italisë, fitoi më shumë se 26% të votave në zgjedhjet e përgjithshme të 25 shtatorit 2022, duke udhëhequr koalicionin e qendrës së djathtë, Meloni u bë gruaja e parë në historinë italiane që u ngarkua me detyrën e formimit të një qeverie dhe më pas u bë Kryeministre e Republikës Italiane./CNA