web counter
LEXO PA REKLAMA!

SHKARKO APP

App Store
Google Play

Transferimi te Inter Miami, Messi do të përfitojë 50-60 milionë euro në vit

2023-07-02 21:04:00, Sport CNA

Transferimi i Lionel Messit te Inter Miami në MLS u zyrtarizua pak javë më parë. Një grusht shteti i vërtetë për kampionatin amerikan. Dhe tani dalin disa detaje të rëndësishme për kontratën e kampionit argjentinas të botës...

Detaje të reja janë zbuluar në lidhje me kalimin e Messit te Inter Miami. Në një intervistë për “El País”, pronari i klubit amerikan, Jorge Mas, ka folur për Messin dhe uljen e tij në MLS, duke u ndalur edhe tek shifrat e pagës së kampionit argjentinas: “Në vitin 2019 filluam të mendojmë se si mund ta sjellim në MLS. Messi mund ta kthejë MLS në një nga dy ose tre ligat më të mëdha në botë. Unë me të vërtetë mendoj se ai vjen me një dëshirë për të lënë shenjën e tij, dhe do të jetë në gjendje ta bëjë këtë përtej futbollit. Të ketë një rol në klub. Për Messin unë imagjinoj një karrierë post-futbolli të ngjashme me atë të Beckham apo Michael Jordan”. Për kontratën e Messit, Mas zbulon: "Ai do të marrë midis 50 dhe 60 milionë në vit".

"Na u deshën tre vjet që ta realizonim. Një vit e gjysmë ka qenë shumë interesant, kam pasur shumë biseda me babain e tij Jorge. Ne e përfunduam në fund të majit. David (Beckham ) fliste me Leon vetëm për çështje futbolli, pasi ai po luante. Nuk doja që ai të ndihej nën presion. E pashë Argjentinën për të gjithë Botërorin në Katar. Dhe më pas kontrata me Apple ishte shumë e rëndësishme për të mbyllur marrëveshjen".





Lajmet e fundit nga