web counter
LEXO PA REKLAMA!

SHKARKO APP

App Store
Google Play

Shpërthen Edlir Tetova: Ekipi im e fitoi ndeshjen, nuk ishte penallti ajo e Tiranës

2024-03-10 19:26:32, Sport CNA

Trajneri i Egnatias, Edlir Tetova kishte pretendime për arbitrimin pas barazimit 1-1 ndaj Tiranës, duke thënë se penalltia nuk duhej dhënë për bardheblutë, pasi kishte prekje me dorë gjatë aksionit. 

“Patjetër që kam kontestime për penalltinë. Ekipi im e ka fituar ndeshjen. Nuk ishte rezultat i drejtë. Lojtari e ka prekur me dorë topin para se të hyjë në zonë. Edhe ndërhyrja e Hoxhallarit në pjesën e parë ishte penallti për ne.

Nuk ishte rezultat i drejtë. Ekip im e ka fituar ndeshjen.

Pjesën e parë një lojë e barabartë. Besoj se në pjesën e dytë, po të ishte shënuar ai goli i Spahiut do kishte tjetër rrjedhë loja. Është një nga ato ndeshjet që i ngjan “Final 4” dhe nuk donim të linim hapësira.

Edhe në qoftë se lojtari nuk e ka prekur topin me dorë, lojtari i Tiranës është lidhur te lojtari jonë.

E di që është transmetuar ndeshja, por pamja nuk është e mirë.

Më vjen keq për çunat e mi. Më vjen keq për djersën e atyre që derdhin në fushë, edhe të vijnë të ta heqin ndeshjen.

Kur një ekip rri te ½ e vetë, është shumë e vështirë të rrijë te linja e vetë. Në pjesën e dytë ndryshuam mënyrën e manovrës së presingut. Edhe ata e kishin përgatitur shumë mirë ndeshjen dhe nuk donin ta humbnin ndeshjen”, u shpreh Tetova për “MCN”.





Lajmet e fundit nga