web counter
LEXO PA REKLAMA!

SHKARKO APP

App Store
Google Play

Sfida me Vllazninë, Gvozdenovic: Koha për revansh, nuk mund të luajmë vetëm në sulm

2024-03-10 12:11:00, Sport CNA

Trajneri i Skënderbeut, Ivan Gvozdenovic foli për mediat, në prag të sfidës me Vllazninë në kampionat. Tekniku i korçarëve vlerësoi kundërshtarin, por shtoi se skuadra e tij do të kërkojë të marrë fitoren.

"Për momentin Vllaznia dhe Skënderbeu janë në formë shumë të mrië. Është një ndeshje shumë e bukur. Ne jemi gati. Uçe është jashtë dhe presim akoma përgjigje për të ditur si është. Të tjerët janë gati. Mendojmë vetëm për pikët. Kemi shumë respekt për Vllazninë, sepse janë skuadër shumë e mirë dhe e fortë. Ne jemi Skënderbeu dhe mendojmë vetëm për veten. Shpresojmë të dalim me fitore. Ndoshta është koha për revansh. Para Laçit nuk ishim mirë me statistka, po ashtu edhe me Vllazninë. Do kërkojmë revansh në fushë dhe të fitojmë ndeshjen.
Nga ndeshja e fundit me Erzenin në Kupë, luajti portieri i dytë dhe pastaj u fut portieri i tretë. Nuk e di si është situata te Vllaznia. Nuk mendoj shumë për problemet e Vllaznisë. Kur ta shikoj protokollin do e di më mirë.", u shpreh trajneri. 

Sipas Gvozdenovic, Skënderbeu nuk mund të luajë vetëm në sulm, por duhet të jetë në ekuilibër.

"Nuk mund të luajmë shumë në sulm, por do mundohemi të jemi në ekuilibër. Ne jemi gjithmonë me mendimin që të luajmë futboll të bukur dhe me disiplinë. Të mendojmë si të fitojmë pikët. Nesër është ndeshja e fundit për fazën e tretë. Deri në fund është gjithçka e hapur. Nga fundi jemi më të qetë. Nëse shikojmë vendet e mesit, diferenca është e vogël. Nuk mund të them se kemi mabruar punë. Të vazhdojmë kështu. Nuk kemi frikë nga presioni. Rezultatet kanë treguar se e merotijmë vendin e katërt. Nëse e kapim këtë, do luftojmë. Nuk mund të flasim shumë për këtë. Nëse flasim shumë jashtë fushe, futbolli është shumë delikat. Të shikojmë nga java në javë si jemi.", deklaroi Gvozdenovic. 





Lajmet e fundit nga