web counter
LEXO PA REKLAMA!

SHKARKO APP

App Store
Google Play

Refuzohet oferta e Interit, Lookman mbetet tek Atalanta

2025-08-01 17:22:00, Sport CNA

Refuzohet oferta e Interit, Lookman mbetet tek Atalanta

Ademola Lookman është prej kohësh një dëshirë e madhe e Interit, që ka bërë hapa konkretë për sulmuesin e Atalantës.

Klubi zikaltër ka dorëzuar një ofertë zyrtare prej 42 milionë eurosh, me bonuse që e çonin totalin në 45 milionë. Por pavarësisht presionit dhe dëshirës së lojtarit për të kaluar te Interi, Atalanta ka vendosur të refuzojë propozimin dhe t’i qëndrojë kërkesës së saj fillestare prej 50 milionë eurosh.

Në ndryshim nga situata e vitit të kaluar, kur PSG ishte i interesuar për të dhe lojtari kishte refuzuar grumbullimin, këtë herë Lukman nuk ka kërkuar masa të tilla, duke treguar një sjellje profesionale që është vlerësuar nga klubi.

Aktualisht, sulmuesi nigerian është jashtë fushave të blerta për shkak të një dëmtimi të lehtë në pulpë dhe nuk do të udhëtojë menjëherë me skuadrën për fazën përgatitore në Gjermani. Megjithatë, ai pritet t’i bashkohet grupit më 9 gusht, në miqësoren kundër Këlnit. Ky vendim tregon qartë se, pavarësisht dëshirës për një transferim, lojtari nuk synon të përplasë dyert dhe preferon ta respektojë kontratën me Atalantën, të paktën për momentin.





Lajmet e fundit nga