web counter
LEXO PA REKLAMA!

SHKARKO APP

App Store
Google Play

Interes nga Arabia Saudite për Lewandowski, sulmuesi merr vendimin

2025-07-30 20:32:00, Sport CNA

Interes nga Arabia Saudite për Lewandowski, sulmuesi merr vendimin

Robert Lewandowski, pavarësisht se është 36 vjeç, vazhdon të tërheqë interes në tregun e transferimeve, kryesisht nga klubet saudite.

Sipas asaj që raportohet nga mediat spanjolle, disa klube arabe kanë shfaqur interes konkret për sulmuesin polak dhe kanë kontaktuar personat afër lojtarit, nëse ai është i hapur për një transferim këtë verë.

Sulmuesi polak ka edhe një vit kontratë me Barcelonën dhe nuk ka shfaqur dëshirë për largim, ndërsa ndihet i lumtur në klub dhe i vendosur për të qëndruar në qytet me familjen. Sezonin e kaluar shënoi 42 gola, duke dëshmuar ende formë të lartë.

Arabia Saudite mbetet një destinacion joshës për futbollistët në fund të karrierës, me oferta të larta financiare si në rastin e Cristiano Ronaldos. Interesi i rritur për yje të futbollit dhe afati i zgjatur i merkatos në këtë ligë krijojnë rrezik për Barcelonën.

Trajneri Hansi Flick e ka në planet e tij Lewandowskin, por do të menaxhojë ngarkesën fizike të lojtarit. Në rast të një oferte të majme që do të kënaqte si klubin ashtu edhe lojtarin, largimi mbetet i mundshëm. Aktualisht, Lewandowski është përqendruar te sezoni i ri me Barcelonën, por situata është e hapur.





Lajmet e fundit nga