web counter
LEXO PA REKLAMA!

SHKARKO APP

App Store
Google Play

E fundit!

x

Prag tragjedie në Conference League/ Azeri Mammadov ‘kopjon’ danezin Kjaer...

2022-07-24 11:14:52, Sport CNA

Në ndeshjen ndërmjet Fehervarit dhe Gabalas, që korrespondon me raundin e dytë të Conference League, tragjedia ishte gati të zbriste në fushën e lojës, nëse nuk do të ishte ndërhyrja e Mammadov, kapitenit të skuadrës azere dhe ekipit shëndetësor të të dyja skuadrave.

Pas një përplasje në një kërcim mes dy lojtarëve, Qirtimov thuajse e pësoi. Goditja ishte shumë e fortë dhe lojtari ra në tokë dhe pas disa çastesh ku dukej se lojtari nuk po merrte dot frymë, ndërhyri Mammadov. Duke parë sesi partneri i tij ra pa ndjenja në tokë, përpiqet të mos lejojë që lojtari të gëlltisë gjuhën, duke kërkuar me zemërim ndihmën e ekipit shëndetësor.

Ndërsa mjekët mbërrijnë, kapiteni i skuadrës azere Mammadov nuk ka ngurruar të hapë me forcë nofullën e shokut të skuadrës, çka ishte vendimtare në shpëtimin e jetës së tij.  Qirtimov përfundoi duke e lënë fushën e lojës me barelë dhe duke shkuar në spital, ku u kryen analiza të ndryshme mjekësore që konfirmuan se lojtari ishte jashtë rrezikut për jetën. Në “Arena Sosto” të Hungarisë, u ripërsëritën skenat e dramës daneze të kapitenit Kjaer me Eriksen, në kampionatin e fundit europian.





Lajmet e fundit nga