web counter
LEXO PA REKLAMA!

SHKARKO APP

App Store
Google Play

PSG fiton me lehtësi ndaj Urawa Red Diamonds, trajneri Galtier i provon të gjithë

2022-07-23 15:55:59, Sport CNA

 PSG vazhdon verën e saj pa të meta. Parizienët fituan lehtësisht të shtunën në mbrëmje (fillimi në mesditë me orën franceze) në ndeshjen e tyre të tretë miqësore, duke mposhtur 3-0, skuadrën Urawa Red Diamonds. 

Siç pritej, në miqësoren e dytë të skuadrës së tij në Japoni, trajneri Christophe Galtier ka bërë shumë ndryshime në formacion, në mënyrë që të shpërndajë kohën e lojës midis të gjithë lojtarëve të tij, me përjashtim të Leandro Paredes, viktimë e lodhjes së muskujve.

I vetmi parizien që e nisi ndeshjen si titullar përsëri edhe ndaj Urawa Reds Diamonds, ishte Kylian Mbappé. Kampioni i botës 2018 ishte protagonist në situatat më të mira të skuadrës së tij në fushën e Saitamas (19’, 24’, 25’ dy herë, 38’), pa harruar të tregohej vendimtar. Ai ishte pasimi i parafundit për Sarabian (16’), që shënoi golin e pare të takimit, duke mos harruar që edhe vetë, Mbappe (35’) të realizonte golin e tij të parë në këtë faze para-përgatitore të sezonit.

Në këtë takim u vu re paraqitjen e mirë e Eric Junior Dina Ebimbe në korsinë e djathtë, e të riut Warren Zaire-Emery në mes dhe Pablo Sarabia në mbështetje të dyshes Icardi-Mbappé në pjesën e parë. Duke hyrë në fushë pak para orës, Neymar dhe Messi (zëvendësuan Mbappe dhe Icardin), ishin mjaft të frymëzuar, veçanërisht braziliani, autor i disa kalimeve të mira, si në atë që solli golin e tretë (3-0), me Arnaud Kalimuendo (76’).

Parizienët do të nisen për në Osaka të dielën, ku do të sfidojnë Gamba Osaka të nesërmen (12:00 me orën europiane), përpara se të kthehen në Paris. 





Lajmet e fundit nga