web counter
LEXO PA REKLAMA!

SHKARKO APP

App Store
Google Play

Po shkëlqen këtë sezon, Silvinjo shkon të ndjekë nga afër sulmuesin

2024-02-05 14:53:00, Sport CNA

Po shkëlqen këtë sezon, Silvinjo shkon të ndjekë nga

Trajneri i Kombëtares, Silvinjo, së bashku me bashkëpunëtoret e tij, prej disa ditësh ka nisur një tur në të gjithë Europën për të ndjekur më nga afër lojtarët kuqezi. Pas Italisë dhe Gjermanisë, ndalesa e radhës është Turqia, aty ku aktivizohen pesë futbollistë.

Vëmendjen më të madhe e ka marrë Rey Manaj. Sulmuesi po bën një sezon të jashtëzakonshëm me skuadrën e Sivasspor. 20 ndeshje të zhvilluara në kampionat nga 26-vjecari me 11 gola të shënuar, shifra që ka bërë kurioz trajnerin e Kombëtares për të parë më nga afër lojtarin, i cili nuk është pjesë e kuqezinjve që nga viti 2021, kur luheshin ndeshjet eliminatore për Kupën e Botës Katar 2022.

Nuk duhet harruar edhe Sokol Cikalleshi, sulmuesi aktivizohet me Konyaspor, dhe eksperienca e tij vlen për Silvinjon. Endri Çekiçi dhe Frederik Veseli janë dy lojtarët e tjerë që do të vlerësohen nga trajneri i Kombëtares. Mbrojtësi luan me Karagumruk dhe ka zhvilluar 17 ndeshje, duke u kthyer në një titullar të padiskutueshëm.

Situatë e njëjtë edhe për mesfushorin, i cili ka shënuar një gol me fanellën e Pendiksporit në superligën turke. I fundit dhe jo më pak i rëndësishmi është Odise Roshi. 32-vjeçari prej disa kohësh nuk është pjesë e Kombëtares, por me ekipin turk Sakaryaspor, mesfushori fierak ka shënuar 4 gola në 20 ndeshje.





Lajmet e fundit nga