web counter
LEXO PA REKLAMA!

SHKARKO APP

App Store
Google Play

E fundit!

x

Shpërthen trajneri i Flamurtarit: Goli u anulua padrejtësisht, Elbasani ndihmohet prej 6 ndeshjesh

2024-02-04 19:28:33, Sport CNA

Trajneri i Flamurtarit, Eqerem Memushi, shpërtheu në akuza ndaj arbitrimit pas barazimit me Elbasanin.

Për MCN TV, Memushi deklaroi se e kënaqi paraqitja e skuadrës, ndërsa shtoi se anulimi i golit ishte i padrejtë. Sipas tij, Elbasani ndihmohet nga arbitrimi prej 6 ndeshjes.

“Jam i kënaqur. Na kënaq rezultati 1-1. Pjesa e fundit është diskutuar shumë edhe në medie që ka edhe sistem VAR. Mendoj se ishte një gol i rregullt dhe na u anullua padrejtësisht. I uroj sukses Elbasanit pasi e meriton të jetë në Superiore. Kjo është një rrjedhë ngjarjesh në këtë stadium dhe kësaj rradhe ishim ne. Tani nuk e di kush është i rradhës. Mund të jenë 6 takime që Elbasani ka luajtur 110 minuta dhe ka fituar ndeshjen.

Unë kisha pak kohë, e kam ndjekur skuadrën time. Kishja besim pasi kemi kualitet, duhej pak ekuilibër. Ndryshuam modulin dhe e kemi thjeshtuar stërvitjen për të qenë më të qartë. Jam i kënaqur nga skuadra në anën e karakterit. Donim ta bënim kampionatin më të bukur me një fitore sot.

E vetmja rrugë për Flamurtarin është të rikthehet në elitë. Skuadra është e mirë, me emra të mirë. Vendi i tretë është objektivi ynë momentalisht për të qenë me këmbë në tokë”, tha Memushi.





Lajmet e fundit nga