web counter
LEXO PA REKLAMA!

SHKARKO APP

App Store
Google Play

E fundit!

x

Orges Shehi, dëshira e drejtuesve të Partizanit. Ja situata pas largimit të Zekic

2023-10-09 13:44:00, Sport CNA

Orges Shehi, dëshira e drejtuesve të Partizanit. Ja situata pas

Sfida kundër Kukësit me shumë gjasa ishte e fundit për Zoran Zekic, pasi Gaz Demi nuk pritet të bëhet pengesë, që tekniku të rikthehet në Kroaci.

Kjo është periudha perfekte për të marrë këtë vendim pasi pauza që sjell Kombëtarja i jep pak më shumë kohë për të gjetur një alternativë të përshtatshme, në fakt opsionet nuk mungojnë. Për të përforcuar edhe më shumë këtë largim të paralajmëruar kohë më parë, Zekic zgjodhi fjalë të ëmbla për të shprehur admirimin e tij ndaj presidentit të Partizanit.

Largimi i pritshëm i Zekic ndez edhe më shumë zërat që flasin për një transferim të Orges Shehit te rivalët e përjetshëm të Tiranës. Dëshira kryesore e drejtuesve të kuq është pikërisht Shehi, por bardheblutë vendosën një klauzolë “anti-Partizan”, pranuan t’i paguajnë kontratën deri në përfundim të sezonit, vetëm që Shehi të mos ulet në stolin e “demave”.

Në çdo rast ky nuk është një opsion i pamundur, por palët duhet të gjejnë një kompromis mes tyre për të vënë në jetë një lëvizje të bujshme, për më tepër që Shehi, apo çdo trajneri i ri, që do të vijë në krye të Partizanit do të debutojë në derbin e kryeqytetit.





Lajmet e fundit nga