web counter
LEXO PA REKLAMA!

SHKARKO APP

App Store
Google Play

Seferi: Japim zemrën në fushë, pika e fortë është grupi

2023-10-09 12:14:14, Sport CNA

Kombëtarja shqiptare do të luajë ndaj Çekisë sfidën më të rëndësishme të "Euro 2024", teksa dueli do të luhet në “Air Albania” ditën e enjte duke nisur që nga ora 20:45. Një duel që vendos shumë mbi fatet e kombëtares në kualiifkimin në Gjermani.

Në konferencën për shtyp bashkë me Ylber Ramadanin ishte i pranishëm edhe Taulant Seferi. Sulmuesi deklaroi se kombëtarja do të lërë zemrën në fushë për të marrë fitoren ndaj kombëtares çeke.

E shihni veten titullar? Jemi një ekip shumë i mirë dhe kjo do të thotë se secili që luan do të japë më të mirën e tij. Është trajneri ai që vendos për 11-shen.

Sa energji kemi në këmbë për të përballuar këto 3 ndeshje? Kemi 3 finale dhe ne e kemi fokusin te sfida e radhës. Ne kemi ardhur të karikuar për këtë takim dhe shpresojmë që të marrin një rezultat pozitiv.

Konkurrenca, a është kjo ofensiva më e mirë? Kjo është ofensiva më e mirë që ka pasur kombëtarja. Të gjithë lojtarët vijnën me gola dhe shpresoj që konkurrenca do të na ndihmojë të marrim maksimumin në duelin e radhës. Padyshim kur kombëtarja shënon është diçka pozitive për kombëtaren dhe këtë skuadër nuk vendos individi, por është i gjithë grupi.

Golat me skuadrën ju motivojnë për kombëtaren? Jam shumë i lumtur dhe shpresoj të shënoj edhe me kombëtaren.

Ça kemi më shumë se Çekia? Duhet të jemi luftarakë dhe të japim zemrën në fushë. Me mbështetjen e tifozëve do të arrijmë te rezultatet pozitive. Kam një thirrje për tifozët që të mos hedhin flakadanë në fushë, pasi na dëmtojnë shumë neve dhe rrugën që duhet të ndjekim ne.

Mungesa e Patrik Schick te kundërshtari dhe mungesa Ismajlit te ne? Çekia ka pësuar vetëm dy gola, Çekia nuk është vetëm Schick, pasi janë grup shumë i fortë. Nuk kanë asnjë humbje. Do të luajmë me shpirt dhe zemër për rezultat pozitiv.

I kënaqur edhe me 1 pikë? Ne do të hyjmë në fushë për maksimumin. Ne jemi karikuar dhe do të marrim maksimumin. Të gjithë lojtarët janë gati dhe për këtë do të flasim pas ndeshjes”.





Lajmet e fundit nga