web counter
LEXO PA REKLAMA!

SHKARKO APP

App Store
Google Play

Mungon në ndeshjen e Atalanta-s, Gjimshiti tremb Sylvinho-n

2024-10-05 11:52:00, Sport CNA
Mungon në ndeshjen e Atalanta-s, Gjimshiti tremb Sylvinho-n
Gjimshiti dhe Ajeti

Kapiteni i kombëtares shqiptare të futbollit, Berat Gjimshiti nuk është grumbulluar për ndeshjen Atalanta-Genoa që luhet këtë të shtunë.

Mbrojtësi u dëmtua në fitoren 0-3 të Atalanta-s në transfertën e Shakhtar Donetsk, në raundin e dytë të Champions League, me Gjimshitin që në këtë sfidë gjeti edhe golin e tij të parë në komepticionin më të rëndësishëm për klube.

Megjithatë, duket se ai nuk e ka kaluar dëmtimin që e detyroi të linte fushën e lojës në minutën e 46’ dhe ky lajm është goxha shqetësues për trajnerin e Kombëtares, Sylvinho-n në prag të ndeshjeve të Ligës së Kombeve.

Në një situatë të tillë, Berat Gjimshiti me shumë mundësi nuk do të jetë i gatshëm për dy ndeshjet e këtij muaji në Ligën e Kombeve, ndaj Çekisë dhe ndaj Gjeorgjisë.

Megjithatë, vendimi përfundimtar do të merret pas një komunikimi mes stafit mjekësor të Atalanta-s me atë të kombëtares shqiptare.

Nëse nuk do ja dalë të rikthehet në fushë për këto sfida, Shqipëria do të duhet të bëjë pa kapitenin dhe njëkohësisht pa një prej mbrojtësve më të rëndësishëm të Kombëtares në përballjet me Çekinë dhe Gjeorgjinë që luhen më 11 dhe 14 tetor, të dyja në transfertë./CNA





Lajmet e fundit nga