web counter
LEXO PA REKLAMA!

SHKARKO APP

App Store
Google Play

Milani i kishte marrë masat, tifozëve të Napolit u shkoi kot nata me rrëmujë para hotelit

2023-04-18 18:07:18, Sport CNA

Tifozët e Napolit kishin bërë gjithçka gati. Të shumtë në numër rrethuan gjatë natës së mbrëmshme hotelin ku po qëndronte Milani në qytetin e tyre dhe me kore, këngë e fishekzjarrë, bënë maksimumin që të mos linin kuqezinjtë të qetë në natën para sfidës së Ligës së Kampioneve kundër skuadrës së zemrës.

Një tentativë e cila me sa duket ka shkuar dëm. Me sa duket, edhe Milani ishte përgatitur për një eventualitet të tillë, duke qenë në dijeni të planit të tifozëve napolitanë. Në fakt, nuk është hera e parë që kuqezinjtë përballen me situata të tilla, pasi ndodh thuajse në çdo vend ku luhen ndeshje të këtij niveli.

Ndaj ata kishin marrë masa dhe “Corriere Dello Sport” bën të ditur se të gjitha dhomat e lojtarëve nuk kishin qenë në krahun e hotelit ku ishte bërë rrëmuja nga tifozët, në anën e rrugës para hyrjes. Për më tepër, të gjitha dhomat e hotelit janë me izolim akustik. Kështu, zhurma që vinte nga rruga apo nga fishekzjarrët, nuk është se ka shqetësuar futbollistët e Milanit, që kanë bërë një gjumë të qetë para një dueli shumë të rëndësishëm.





16:50 Sport

VIDEO/

Ka pasur nervozizëm tek skuadra e Interit. Në stërvitjen n...

Lajmet e fundit nga