web counter
LEXO PA REKLAMA!

SHKARKO APP

App Store
Google Play

E fundit!

x

LIVE PSG-Bajern Mynih/ Shënon dhe kërkon falje, Koman u jep avantazhin bavarezëve (VIDEO)

2023-02-14 22:17:56, Sport CNA

LIVE PSG-Bajern Mynih/ Shënon dhe kërkon falje, Koman u jep avantazhin

PSG-Bajern Mynh është një nga finalet e parakohshme të këtij edicioni në Ligën e Kampioneve. Shorti ka vënë përballë dy skuadrat që pretendojnë për fitoren e turneut që në këtë fazë të tij, duke dhuruar një sfidë spektakolare.

Sfida e sotme nis me një surprizë, pasi lojtarë të cilët raportohej se ishin të dëmtuar nga radhët e parisienëve si Mesi e Mbape, në fakt janë të gatshëm të luajnë. Argjentinasi e nis si titullar, ndërsa francezi është në pankinë dhe pritet të japë kontributin në pjesën e dytë.

Kjo i jep të drejt Nagelsman, i cili e kishte paralajmëruar një gjë të tillë në konferencat për shtyp të ditëve të kaluara. Vetë trajneri i bavarezëve ka zgjedhur ish-in Çupo-Moting nga minuta e parë me treshen Koman-Musiala-Sane pas krahëve të tij.

LIVE PSG-Bajern Mynih 0-1
53’Koman

53’ GOOOL BAJERN MYNIH! Shënon Koman me një goditje të shpejtë të që i shpëton Donarumës.

45’ Zëvendësim te të dy skuadrat në fillimin e pjesës së dytë. Kanselo i lë vendin Dejvis te Bajern, ndërsa Kimpembe merr vendin e Hakimit.

45’+1′ Mbyllet pa gola pjesa e parë. 

43’ Gjuajtje e fortë e Kimish nga jashtë zonës, Donaruma kontrollon sferën.

34’ Koman gjuan me shpejtësi duke parë hapësirë para tij, shënjestra nuk është e duhura dhe topi përfundon jashtë.

31’ Këtë herë është Musiala i cili hyn në zonë, por gjen ndërhyrjen e Verratit i cili kalon topin në këndore.

31’ Kros në zonë për Çupo-Moting i cili gjuan me kokë pro sheh sferën të përfundojë jashtë.

27’ Pavard nis Musiala dhe vetëm një ndërhyrje e Serxhio Ramos shmang një rrezik konkret në portën e Donaruma.

26’ Pavard ndëshkohet me të verdhë pas një ndërhyrje ndaj Nejmar.

25’ Aksion i gjatë i Bajernit me Kimish i cili në fund gjen Koman nga e majta, por gjuajtja e këtij të fundit shkon lehtësisht në duart e Donaruma.

17’ Bajerni ka iniciativën në minutat e parë me PSG-në që i ka lëshuar shumë terren, duke tentuar vetëm kundërsulmet përballë bavarezëve.

14’ Kombinim i shkëlqyer Mesi-Nejmar, Upamekano ia del të ndale pasimin për argjentinasin i cili po shkonte drejt portës.

10’ Çupo-Moting mundohet të hyjë në zonën e PSG-së, por Ramos ndërhyn mjeshtërisht dhe i heq topin nga këmbët.

8’ Mesi nis Zaire-Emeri, por ky i fundit nuk ia del që të pasojë për Nejmar i cili po sprintonte drejt portës së bavarezëve.

1’ Menjëherë rrezikshëm Çupo-Moting i cili godet nga jashtë zonës por nuk gjen portën.

1’ Nis ndeshja me shkelmimin nga qendra të miqve.





Lajmet e fundit nga