web counter
LEXO PA REKLAMA!

SHKARKO APP

App Store
Google Play

Lëvizje e papritur, Juventusi “tradhton” Lukakun

2023-07-20 12:52:00, Sport CNA

Juventusi nuk është gati të paguajë 40 milionë euro dhe pagë prej 11 milionësh në sezon. Bardhezinjtë tradhtojnë në orët e fundit Romelu Lukakun që prishi madje edhe marrëdhëniet me Interin për të përqafuar armiqtë e zikaltërve. Çështja e belgut mori përmasa të mëdha aq sa Interi hoqi dorë përfundimisht duke i lënë rrugë të lirë Juventusit, por pavarësisht dëshirës së Massimiliano Allegrit, drejtuesit duket se kanë disa dyshime në lidhje me këtë operacion.

Përveç shumës së konsiderueshme financiare që duhet të paguajnë për të afruar 30-vjeçarin, në Torino janë të shqetësuar edhe për reagimin e tifozëve, të cilët nuk dëshirojnë një lojtar që e konsiderojnë mercenar, i cili ka deklaruar në të shkuarën se nuk do të luante kurrë për një skuadër si Juventusi, ndërsa çështja “Vlahovic” nuk po gjen zgjidhje dhe mungesa e një oferte të mirë për serbin e bën të pamundur operacionin “Lukaku”. Ndërkohë që po stërvitet i veçuar në qendrën Cobham të Chelsea-t, alternativë e vetme për belgun mbetet Arabia Saudite që ai e refuzoi kategorikisht disa javë më parë, me shpresën se mund të luante në Serinë A. Sipas mediave italiane, në Torino nuk mendojnë të gjithë si trajneri.





Lajmet e fundit nga