web counter
LEXO PA REKLAMA!

SHKARKO APP

App Store
Google Play

Java e shtatë në tri ditë, orare të reja për Superioren

2023-09-28 15:33:00, Sport CNA

Java e shtatë në tri ditë, orare të reja për Superioren

Pavarësisht se ende nuk është mbyllur java e 6-të e Superiores, është zbuluar axhenda e sfidave pasardhëse. Java e 7-të e “Abissnet Superiore” do të luhet në 3 ditë, ndërsa këtë herë disa prej sfidave do të luhen me orar të ri.

Të dielën janë parashikuar të luhen 2 takime. Gjithaçka do të startojë me sfidën mes Egnatias dhe Teutës që do të luhet në “Egnatia Arena”, ora 14:00. Rrogozhinasit vijnë si kryesues dhe synojnë një tjetër 3-pikësh në shtëpi, ndërsa tashmë durrsakët me Edi Martinin në stol duan rikthimin te fitorja.

Sfida tjetër do të jetë mes Skënderbeut dhe Partizanit, përballje që do të zhvillohet në Korçë duke nisur nga ora 16:00. Si korçarët ashtu edhe "demat" synojnë vetëm 3 pikët në përballjen mes tyre.

Ndërkohë të hënën do të luhen po dy takime të tjera. Në “Kukës Arena” do të përplasen Kukësi dhe Erzeni. Verilindorët në dy sfidat e fundit kanë siguruar 4 pikë dhe ndaj shijakasve në shtëpi dëshirojnë të vazhdojnë me rezultatet pozitive, teksa djemtë e Alfred Deliallisit pas humbjes me Skënderbeun duan rikthimin te fitorja. Kjo përballe do të startojë në orën 14:00.

Në orën 18:00 në fushë do të zbresin Dinamo dhe Vllaznia. Në “Elbasan Arena” do të përplasin brirët për 3 pikët, pasi “Blutë” nga njëra ana duan largimin nga zona e ftohtë, ndërsa nga ana tjetër shkodranët synojnë të “blindojnë” një vend në “Final Four”.

Sfida e fundit e javës së 7-të është parashikuar të luhet ditën e martë duke nisur nga ora 14:00. Në “Selman Stërmasi” Tirana do të presë Laçin.

Ndeshjet e javës së 7-të:

E dielë:

14:00/ Egnatia – Teuta

16:00/ Skënderbeu – Partizani

E hënë:

14:00/ Kukësi – Erzeni

18:00/ Dinamo – Vllaznia

E martë:

14:00/ Tirana – Laçi





Lajmet e fundit nga