E fundit!

15:06 CRIME

Vrasja në Kamëz, autori në kërkim/ Policia apel qytetarëve: Qarkullon i armatosur, tregoni kujdes

Policia e Tiranës ka ndarë pak minuta më parë një thirrje ...

Jani Kaçi: Mjaft me trajnerë ekranesh, ia fusin njëri-tjetrit!

2022-10-20 22:01:00, Sport CNA

Jani Kaçi

Jani Kaçi e konsideron shqetësues fenomenin e largimit të shpeshtë të trajnerëve në futbollin shqiptar. Ai thotë se nuk është e drejtë që të trajtohen kështu ata që ndërtojnë projektin e një skuadre që nga fillimi i sezonit, por më pas u ndërpritet kontrata si pa të keq vetëm me dy apo tri rezultate negative.

Legjenda e futbollit korçar shton gjithashtu se akoma më të dëmshme janë ajo kategori trajnerësh që shfaqen në ekranet televizive dhe sulmojnë njëri-tjetrin duke shpresuar se do t’i zënë vendin dikujt, apo se do të hakmerren ndaj dikujt tjetër që i kishte kritikuar në të kaluarën.

Sipas ish-portierit të Kombëtares shqiptare, situata është edhe përgjegjësi e presidentëve të klubeve, të cilët pas gjithë kësaj kohe duhet të kenë nxjerrë mësime me ata që janë për studiot televizive dhe të tjerët që janë për në terren.

“Në këtë fillim kampionati në të gjitha kategoritë e futbollit ka largime trajnerësh! Për mua nuk është e drejtë! Më fajtorët janë ata që bëjnë filozofi në ekrane! Janë larguar edhe vetë në këto forma amatoreske dhe presin radhën…! Kështu ishte, kështu është dhe kështu do të jetë përderisa vazhdon kjo lojë e pandershme:

‘Futja njëritjetrit! Ma ka futur, t’ia fus dhe unë’…! Po pse kështu do vazhdojmë?! Trajneri është trajner dhe jo analist. Analistët e vërtetë nuk bëjnë kurrë trajnerin! Presidentët duhet t’i ndajnë ata që kërkojnë postin nga ekranet me ata të terrenit! Në ekran u bëjnë makijazh dhe duken mjaft të bukur, ndërsa në terren je origjinal, i djersitur, i lodhur, por shumë më afër punës me futbollin dhe ata që vërtetë e duan atë! Me njerëzit e përshtatshëm ka sukses edhe bota, sepse ata nuk kanë brirë…!”/ Panorama Sport