web counter
LEXO PA REKLAMA!

SHKARKO APP

App Store
Google Play

Humb jetën 32-vjeçari japonez Masato Kudo, nuk i mbijetoi ndërhyrjes në tru…

2022-10-22 11:47:29, Sport CNA

Ka ndërruar jetë në moshën 32-vjeçare sulmuesi japonez Masato Kudo, pas një ndërhyrje kirurgjikale në tru. Këtë e ka bërë të ditur sot klubi i tij, Tegevajaro Miyazaki (divizioni i tretë). Ai ishte “një lojtar shumë i suksesshëm”, që “nuk kishte arrogancë dhe ishte gjithmonë shumë simpatik me shokët e tij, klubin dhe tifozët”,- thekson klubi i Tegevajaro Miyazaki.

Në karrierën e tij Kudo kishte luajtur edhe katër ndeshje me kombëtaren e Japonisë (dy gola) dhe kishte fituar kampionatin japonez në vitin 2011 me Kashiwa Reysol. Ai pati përvoja të shkurtra me Vancouver Whitecaps dhe në Australi me Brisbane Roar.

“Ai kishte një personalitet të mrekullueshëm dhe vinte në stërvitje çdo mëngjes me një buzëqeshje rrezatuese në fytyrën e tij”,- tha trajneri i Brisbane, Warren Moon. “Do të na mungojë shumë dhe mendimet tona, - shtoi ai, - janë pranë gruas dhe mbesës së tij në këtë moment të trishtuar”.

Në një postim në Twitter, Brisbane Roar, skuadra me të cilën ai kishte luajtur, shkruante ditët e fundit: “Mendimet tona shkojnë te Masato Kudo, i cili është në kujdes intensiv pas operacionit në tru në Japoni. Kudo ishte pjesë e ekipit tonë Isuzu UTE A-League 2020-21, ku bëri 14 ndeshje. Shpresojmë për një rikuperim të plotë,”- ka shkruar klubi australian. Fatkeqësisht kjo nuk ndodhi, sulmuesi japonez nuk mundi të merrte fitoren e tij më të rëndësishme, në ndeshjen për jetën…





Lajmet e fundit nga