web counter
LEXO PA REKLAMA!

SHKARKO APP

App Store
Google Play

Futbolli gjerman kërcënohet nga një skandal dopingu! Nisin procedurat për lojtarin kroat që ka rezultuar pozitiv…

2022-11-13 10:50:51, Sport CNA

Futbolli gjerman kërcënohet nga një skandal dopingu! DFB ka nisur procedurat kundër lojtarit të HSV-së, Mario Vuskovic (20). Këtë e ka bërë të ditur federate gjermane pasditen e djeshme, pas fitores 4-2 të Hamburgut ndaj Sandhausen. Deklarata thoshte: "Substanca erythropoietin (Epo) u gjet te lojtari Mario Vuskovic i Hamburger SV gjatë një kontrolli stërvitor të kryer nga NADA (Agjencia Kombëtare Anti-Doping)".

Kontrolli i dopingut u bë në mesin e shtatorit në javën para ndeshjes kundër Düsseldorf (2-0). Të premten pasdite, klubi u informua për gjetjen pozitive. Në të njëjtën ditë, pas seancës stërvitore, prokuroria publike dhe policia bastisën dhomën e zhveshjes së HSV-së. Oficerët kontrolluan dollapin e Vuskovicit por nuk gjetën asgjë tjetër.

Lojtari i kombëtares kroate U-21, Mario Vuskovic (15 ndeshje ndërkombëtare) dhe HSV kanë aplikuar për kryerjen e analizës së kampionit B. Vuskoviç u kërkua nga DFB për të komentuar rastin. Pas kësaj, federata do të vendosë se si do të vazhdojë.

Një gjë është tashmë e qartë: Vuskoviç nuk lejohet të luajë për momentin! DFB njofton se do të vendosë një pezullim të përkohshëm në përputhje me rregullat ligjore dhe procedurale. Një vendim për këtë duhet të merret në fillim të javës së ardhshme. Ai tashmë është pezualluar nga HSV për ndeshje dhe stërvitje. Ai nuk do të jetë as në udhëtimin dhjetëditor të Hamburger SV në SHBA.





Lajmet e fundit nga