web counter
LEXO PA REKLAMA!

SHKARKO APP

App Store
Google Play

E fundit!

x

FIFPro e alarmuar që futbollistët nuk paguhen, Ballkani dhe Kina problematikë…

2022-07-06 12:55:00, Sport CNA

FIFPro, unioni global i futbollistëve, ka paralajmëruar lojtarët për rreziqet që lidhen me kontratat me klube nga Kina, Turqia, Greqia, Algjeria dhe Rumania. Në një deklaratë për shtyp të botuar të mërkurën, organizata thekson "shkeljet kontraktuale sistematike dhe të përhapura".

Në prill, Federata Kineze e Futbollit tha, se klubet që do të arrijnë të shlyenin të gjitha pagat e papaguara deri më 31 dhjetor, do të bien nga kategoria ose do të përjashtohen.  Lojtarët e Chongqing Liangjiang Athletic kishin shpërndarë një letër të hapur në rrjetet sociale në maj, duke pretenduar se nuk ishin paguar.

25 milionë euro paga të papaguara në Greqi

FIFPRO tha se mospagesa e pagave ishte një problem i përsëritur për lojtarët në Algjeri, Arabinë Saudite, Rumani dhe Turqi. Është prekur edhe divizioni i dytë grek. Një kampionat, ku klubet shpesh i ndërpresin aktivitetet e tyre pa shlyer borxhet e tyre. Një sondazh i kryer nga sindikata e lojtarëve grekë (PSAP) në dhjetor 2021, raportoi 25 milionë euro paga të papaguara në vend.

Veçohen Rumania dhe Libia

“Numri i lartë i klubeve në Rumani që hyjnë në procedurat e falimentimit vazhdon të ketë pasoja të rënda për lojtarët, duke i shtyrë ata në procedura të pafundme, me pak ose aspak mundësi për të marrë ndonjë kompensim”,- thotë FIFPro në raportin e saj. Ajo tha gjithashtu se ishte e shqetësuar për numrin në rritje të lojtarëve të huaj të bllokuar në Libi nga klubet", që refuzonin t'u siguronin atyre dokumentet e nevojshme për largimin e tyre".

Në vitin 2020, FIFA bashkëpunoi me FIFPro për të krijuar një fond për të kompensuar lojtarët kur klubet e tyre përjetojnë vështirësi financiare ose falimentojnë. Por kjo nuk e lufton dukurinë.





Lajmet e fundit nga