web counter
LEXO PA REKLAMA!

SHKARKO APP

App Store
Google Play

E kryer/ Liverpool zgjedh trajnerin e ri

2024-04-27 12:22:00, Sport CNA

E kryer/ Liverpool zgjedh trajnerin e ri

Arne Slot, do të jetë trajneri i Liverpool, duke filluar nga sezoni i ardhshëm. Tekniku holandez, do të pasojë në stol, trajnerin Jurgen Klopp, i cili largohet në fund të kampionatit.

Drejtuesit e të kuqve, ishin prej ditësh në bisedime me Slot dhe marrëveshja u konkretizua mbrëmjen e së premtes.

Ndonëse zyrtarizimi mungon ende, gjithçka mes palëve është mbyllur. Njoftimi për trajnerin e ri, pritet të vijë në qershor, kur 45-vjeçari të ketë mbyllur bashkëpunimin me skuadrën e Feyenoord, të cilët i drejton nga vera e vitit 2021.

Slot, ka të njëjtin stil loje si Klopp dhe kjo i shtyu drejtuesit e Liverpool, për ta zgjedhur në stol.

Gjatë karrierës së tij si trajner, Slot, numëron një Kupë të Holandës të fituar dhe një titull kampion. Githashtu, është pranë titullit të dytë edhe këtë sezon, pasi skuadra e Feyenoord, po bën shumë mirë në Eredivisie.

Sa i përket Klopp-it, tekniku gjerman, do të largohet nga drejtimi i Liverpool në fund të sezonit, skuadër me të cilën ka fituar gjithçka.

Në 9 vite si trajner i Liverpool, 56-vjeçari, përveçse riktheu skuadrën te suksese, numëron edhe disa trofe të fituar, si Liga e Kampioneve, Kupa e Anglisë dhe titulli kampion në Premier League. 





Lajmet e fundit nga