web counter
LEXO PA REKLAMA!

SHKARKO APP

App Store
Google Play

Barcelona dhe Juventusi bëjnë

2022-07-27 10:19:01, Sport CNA
Barcelona dhe Juventusi bëjnë
Juventus-Barcelona

Nuk ka fitues në miqësoren e luksit mes Barcelonës dhe Juventusit, e cila përfundoi me rezultatin 2-2, e zhvilluar në Dallas të Shteteve të Bashkuara të Amerikës, në fazën përgatitore që të dyja skuadrat po kryejnë në prag të startit të sezonit të ri futbollistik 2022/2023.

Lojtarët që spikatën këtë sfidë ishin dy futbollistët që për të dyja skuadrat kanë qenë të padëshiruar, Osman Dembele dhe Moize Ken, të cilët realizuan nga një dopietë.

Serinë e golave e hapi sulmuesi francez i katalanasve, i cili shënoi një supergol duke treguar mjeshtërisht aftësitë e tij dribluese duke “dehur” mbrojtjen bardhezi dhe duke realizuar në minutën e 34′. Më pas ishte Ken, ai që gjeti rrugën e rrjetës pas pasimit deçiziv të Huan Kuadrados në minutën e 39′.

Pas vetëm 1 minuti, ekzaktësisht në minutën e 40′ ishte Dembele ai që riktheu në avantazh skuadrën blaugrana sërish me veprimet e tij dribluese. Në minutën e 52′, ishte Ken ai që shënoi golin e barazimit për Juventusin.

Katalanasit kanë zhvilluar 5 miqësore deri më tani ku kanë fituar tre ndaj A-Leagues All Stars, Inter Majemit dhe ndaj Realit të Madridit dhe kanë barazuar 2 ndaj Olot dhe së fundmi ndaj Juventusit. Skuadra e Ksavit ka ende edhe dy takime miqësore për të zhvilluar, atë ndaj Nju Jork Red Bull më 31 korrik dhe ndaj Pumasit më 7 gusht.

Ndërsa “Zonja e Vjetër” ka luajtur deri më tani dy miqësore ku ka fituar ndaj Guadalahara Çivas dhe ka barazuar 1 ndaj Barcelonës mbrëmë. Ekipi i Masimiliano Alegrit ka ende edhe një ndeshje miqësore për të zhvilluar, atë ndaj Realit të Madridit më 31 korrik.






Lajmet e fundit nga