web counter
LEXO PA REKLAMA!

SHKARKO APP

App Store
Google Play

18 gola në 23 ndeshje! Manaj “kap” Icardi-n dhe kthehet në idhull të tifozëve në Turqi

2024-02-25 14:53:00, Sport CNA

18 gola në 23 ndeshje! Manaj “kap” Icardi-n dhe kthehet në

Rey Manaj po kalon sezonin më të mirë në karrierë dhe është kthyer në një idhull të tifozëve të Sivasspor-it në Turqi.

Plot 18 gola të shënuar në 23 ndeshje të këtij sezoni e kanë kthyer lushnjarin në një nga lojtarët më të vlerësuar në elitën e futbollit turk.

Vetëm dje festoi ditëlindjen e 27-të dhe dhurata më e mirë që mund t’i bënte vetes, ishte padyshim supergoli i shënuar sot, duke e marrë topin nga mesfusha, për ta ndalur në rrjetë.

Me golin e sotëm ndaj Pendikspor-it, Manaj shkon në kuotën e 14 golave në kampionat, po aq sa edhe ylli argjentinas, Mauro Icardi, ndërsa para shqiptarit qëndron vetëm Dzeko me 18 gola.

Mjafton të shikosh festën pas golave, ku tifozët i përulen dhe e kupton fare mirë dashurinë që kanë për shqiptarin në Turqi.

 

Nuk ka dyshim se Manaj është shqiptari më në formë i momentit, ndërsa shihet si një forcë e shtuar për Shqipërinë për Europianin.

Ndërkohë që Broja në Angli po kalon vështirësi, Manaj po mahnit, duke i dhënë një zgjidhje trajnerit Silvinjo.

Shqiptari është kthyer në një idhull të tifozëve të Sivasspor-it, teksa me golat e tij e ka ngjitur skuadrën, që deri pak muaj më parë e shihte veten në vendet e poshtme të tabelës, ndërsa tani synon Evropën./ CNA.al





Lajmet e fundit nga