web counter
LEXO PA REKLAMA!

SHKARKO APP

App Store
Google Play

E fundit!

x

3 pije për të ngrohur organizmin gjatë netëve të dimrit

2024-01-12 08:23:00, Shëndeti CNA
3 pije për të ngrohur organizmin gjatë netëve të dimrit
Foto ilustruese

Stina e dimrit është tepër romantike. Mbrëmjet dimërore pranë zjarrit ose nën batanije shijohen shumë me një filxhan caji të ngrohtë. Në AgroWeb.org do të mësoni tre receta pijesh të ngrohta që do i bëjnë mbrëmjet tuaja magjike.

Lëng i Nxehtë Molle Me Erëza

Kjo pije rekomandohet në dimër dhe i vjen në ndihmë fytit të bllokuar dhe të acaruar.

Përbërësit:
1 litër lëng molle,
5 shirita lëkure portokalli,
1 shkop kanelle,
3 kokrra karafili,
1 lugë çaji mjaltë,
Hidhini të gjithë përbërësit, përveç mjaltit, në një tenxhere dhe lërini të valojnë për 10 minuta.

Më pas, pak para servirjes, hidhni mjaltin. Për zbukurim në servirje mund të përdorni më shumë shirita të lëkurës së portokallit dhe kanellës.

Çaj Xhenxhefili Dhe Menteje

Përbërësit:
2 gota ujë,
2 lugë gjelle xhenxhefil të grirë,
1 shkop kanelle,
1 lugë çaji mjaltë.
Hidhini të gjithë përbërësit, përveç mjaltit, në një tenxhere ose cajnik dhe lërini të ziejnë për 10 minuta.

Më pas kullojeni çajin, shtoni mjaltin dhe pijeni të ngrohtë.

Çaj Mali Me Limon Dhe Mjaltë

Për përgatitjen e këtij çaji ju nevojiten:

Përbërësit
Një grusht me çaj mali
Një lugë çaji me mjaltë
Dy lugë gjellë me lëng limoni
Një filxhan çaji me ujë
Përgatitja

Si fillim zjejmë ujin. Në ujin e nxehtë hedhim çajin e malit, e lëmë të zjejë deri në 10 minuta. E heqim nga zjarri dhe e hedhim në filxhan. Më pas hedhim lugën e mjaltit dhe lëngun e limonit. Çaji pihet kur është i ngrohtë./AgroWeb.org





Lajmet e fundit nga