web counter
LEXO PA REKLAMA!

SHKARKO APP

App Store
Google Play

Takimi i Ilir Vrenozit me Chris LaCivita/ Rama: Latifi ka kuptuar që bufi nuk tërheq më, Vrenozi i vetmi lider

2025-04-23 14:40:00, Politikë CNA

Takimi i Ilir Vrenozit me Chris LaCivita/ Rama: Latifi ka kuptuar që bufi

Kryeministri Edi Rama me anë të një statusi në rrjetet sociale ka ironizuar takimin e Chris LaCivitas me Ilir Vrenozin dhe takimin e djeshëm të Berishës me demokratët në Korçë.

Rama thotë në video se Latifi, referuar Chris LaCivita, e ka kuptuar se Berisha nuk tërheq më. Më tej kryemnistri tha se në takimin e djeshëm, korçari i famshëm Ilir Vrenozi mori drejtimin real të PD për Korçën.

“Dje e morëm vesh të gjithë pse Latifi i Trumpit u takua ca ditë më parë me Vrenozin e Korçës. Sot askush nuk ka më çfarë të thotë as për arsyen ee kërkesës sime që u duk e çuditshme për kafen me Ilir Vrenozin. Që kur e pashë takimin e Vrenos me Tifen më dogji, e kapa që Latifi kishte kuptuar atë që unë e kam kuptuar kohë më parë. Bufi nuk tërheq më, Ilir Vrenozi është i vetmi lider që mund ta udhëheqë kënetën pa u bërë qesharak me ato premtimet që po gajasin dynjanë dhe as për gjynah me ato rrjedhjet e shpeshta në fjalime çdo ditë.

Dje Vrenozi e mori drejtimin real të kënetës në qarkun e Korçës, ku për të më goditur mua, rivalin e tij të drejtpërdrejtë, dhe në rang kombëtar madje, lëshoi nga goja programin real të asaj partie dhe e ngriti peshë turmën fanatike siç kishim  koëh pa e parë, njësoj si në kohërat kur bufi i printe me histeri në habitatin e vet. Ajo turmë deri mbrëmë ishte thjesht ujë i ndenjur me zhurmë bretkosash. Kur dëgjoi Vrenozin shpërtheu”, tha Rama./ CNA





Lajmet e fundit nga