web counter
LEXO PA REKLAMA!

SHKARKO APP

App Store
Google Play

E fundit!

x

Shpëtim Idrizi: Ika nga Berisha, prej Ilir Metës

2022-11-05 20:28:00, Politikë CNA
Shpëtim Idrizi: Ika nga Berisha, prej Ilir Metës
Kryetari i Partisë për Drejtësi, Integrim dhe Unitet, Shpëtim Idrizi

Kryetari i Partisë për Drejtësi, Integrim dhe Unitet, Shpëtim Idrizi, e ka thënë hapur pse ka refuzuar të bëjë një koalicion me Sali Berishën.

Idrizi nënkupton se shkaku ka qenë Ilir Meta, pasi sipas tij, nëse PDIU do të donte të bëhej pjesë e koalicionit do të duhet të bisedonte fillimisht me Partinë e Lirisë, e cila duket se po synon këshillat bashkiakë,  dhe më pas me PD, për të gjetur një vend në listat e tyre.

"Dalja e jona ka qenë e detyruar. Në qoftëse flitet për një aleancë i bie që të mbyllet një marrëveshje. Një pjesë e  Partisë Demokratike ka bërë një aleancë me Partinë e Lirisë, ku duket që Partia e Lirisë i ka mëshuar më shumë vendeve për këshilltar, kurse Partia Demokratike është e lirë për kandidatë.

E thënë ndryshe po të donim që të ishim pjesë e kësaj ose nëse do na bëhej një ftesë, ne do të duhej të diskutonim fillimisht me Partinë e Lirisë dhe pastaj me Partinë Demokratike, duhet të ishte e kundërta, për të gjetur një vend në listën e tyre.

Gjithmonë në ka thënë pse dilni një herë me të majtët një herë me të djathtët. Na lejoni një herë të dalim vetëm.

Partia Demokratike është e lirë për kandidatë. Nëse ne do të donim të bëheshim pjesë e koalicionit, ne duhej të bisedonim fillimisht me Partinë e Lirisë e më pas me Partinë Demokratike. Më mirë po dalim këtë herë më vete dhe ta marrim forcën me vete. Nuk besoj se është rasti i PDIU që të vrapojë e të kërkojë që të na fusin në një listë të përbashkët. Ne e dimë që pesha specifike e PDIU është e qëndrushme në 5 qarqe” , ka thënë Idrizi./ CNA.al





Lajmet e fundit nga