“Rama ka krijuar skenë me zhapinj, hardhuca e zhaba”/ Berisha: Nuk do merremi me të

2025-03-24 13:29:00, Politikë CNA

“Rama ka krijuar skenë me zhapinj, hardhuca e zhaba”/ Berisha:

Kreu i Partisë Demokratike, Sali Berisha ka ironizuar sot kryeministrin Edi Rama, duke thënë se ai ka krijuar një skenë me zhapinj, hardhuca e zhaba. Reagimi i Berishës vjen pak pasi Rama e ironizoi në një video në rrjetet sociale.

Berisha theksoi se ne vend që PD-ja të merret me skenat e Ramës, do të merret me punësimin, me rrogat dhe pensionet.

Berisha tha se paraqitja e programit të PD-së është e gjithë beteja e partisë në zgjedhjet e 11 majit.

Berisha shtoi se PD do të shkojë me program te çdo qytetar, në derë, rrugë, kafe, për shndërrimin e Shqipërisë në një qendër të ’hightech’ në rajon dhe superfuqi energjetike.

“Çdo kandidat, çdo aktivist i PD duhet nga mëngjesi gjer në darkë, të merret me programin e PD, të merret me shpjegimin e këtij programi, me ofertën e tij, dhe në një përqindje minimale të merret me kundërshtarin.

Sepse kundërshtari, imagjinoni ju, ka krijuar skenën e tij me zhapinj, hardhuca, zhaba, do të shtojë dhe gjarpërinjtë aty, minjtë. Pse me këto do të merremi ne. Jo.

Ne do të merremi me punësimin, me rrogat, pensionet, minimumi jetik.

Ai nuk i ka të paqëllimshme ato, sepse propaganda është propagandë.

Ai ka bërë ato zgjedhje sepse mendon se mund ti hutojë shqiptarët, mund ti ç’orientojë, mund të zhvlerësojë dhe programin.

Kur ne themi minimumi jetik, ai thotë zhapinj, e kur themi me rradhë ne. Por ne nuk do biem në ato kurthe. Ne do të paraqesim programin tonë, kjo është e gjithë beteja jonë.

Ne shkojmë me program te çdo qytetar, në derë, rrugë, kafe, kudo që ta takojmë ne do të flasim programin tonë ekonomik, do të flasim paketën tonë të dhembshurisë, do të marrim mendime për pastrimin e shtëpisë dhe për shndërrimin e Shqipërisë në një qendër të ’hightech’ në rajon dhe superfuqi energjetike.

Ne e kemi të thjeshtë”,-tha Berisha./CNA