web counter
LEXO PA REKLAMA!

SHKARKO APP

App Store
Google Play

Protesta e 12 nëntorit/ Berisha: Fillimi i sigurimit të votës së lirë

2022-11-14 21:19:00, Politikë CNA
Protesta e 12 nëntorit/ Berisha: Fillimi i sigurimit të votës
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka folur mbrëmjen e sotme për protestën e zhvilluar në 12 nëntor kundër Qeverisë para Kryeministrisë.

Berisha tha në emisionin “Çim Peka Live” se protesta e opozitës është fillimi i sigurimit të votës së lirë.

Ai deklaroi se vota e lirë është jetike dhe pa të nuk mund të zgjidhet asgjë.

“E kuptoj që ka shumë shqiptarë që janë me dhimbje të mëdha për çmimet, por i garantoj ata se asgjë nuk zgjidhet pa zgjidhur votën.

Asgjë nuk mund të zgjidhet. Duhet të zgjidhim votën, të votojmë të lirë, i siguroj se të gjitha të tjerat zgjidhen. Edi Rama po vazhdon me të njëjtën strategji e taktikë të vjedhjes së zgjedhjeve, dhe unë po e ndjek.

E konsideroj një mision, më të rëndësishmin që mund të bëhet. Duhet t'i kthejmë votën shqiptarëve, s'është çështje e pushetit të Sali Berishës, por jetike e shoqërisë shqiptare, ose do votojnë ose do dizintegrohen totalisht”, theksoi kreu i demokratëve./ B.A. – CNA.al





Lajmet e fundit nga