web counter
LEXO PA REKLAMA!

SHKARKO APP

App Store
Google Play

Ndërtimi i Portit të ri të Durrësit/ Rama: Çfarë ndryshimesh do t’i sjellë Shqipërisë

2022-08-10 21:23:00, Politikë CNA
Ndërtimi i Portit të ri të Durrësit/ Rama: Çfarë
Kryeministri Edi Rama

Mbrëmjen e sotmë është nënshkruar Memorandumi i Mirëkuptimit midis “Eagle Hills Real Estate Development” shpk dhe “Albanian Seaports Development Company” sh.a. për realizimin e projektit të portit “Durrës Yachts & Marina".

Gjatë fjalës së tij, kryeministri Edi Rama tha se projekti i portit të Durrësit do të ndryshojë përgjithmonë Shqipërinë.

Sipas tij, me ndërtimin e këtij porti të rritet eksponencialisht vlera e pasurisë së të gjithë qytetarëve të Durrësit, do të rritet vlera e të gjitha hoteleve në vijën bregdetare.

“Ky është një projekt që do të ndryshojë përgjithmonë jo vetëm Durrësin, por gjithë Shqipërinë. Me ndërtimin e këtij porti të rritet eksponencialisht vlera e pasurisë së të gjithë qytetarëve të Durrësit, do të rritet vlera e të gjitha hoteleve në vijën bregdetare. Këtu është fjala për imazhin komplet tjetër që do të ketë Shqipëria në botë. Nëse sot pagat në Malin e Zi janë më të larta në rajon kjo nisi me “Porto Monte Negro”. Durrësi do të jetë porti më i madh i Mesdheut, do të jetë port binjak i marinës së Dubait. Ky port hap një perspektivë të re. Shteti shqiptar në këtë port nuk do të jetë siç është parafytyruar dikur si thjeshtë etniteti që i jep tokën një investitori, shteti shqiptar aty do të jetë aksioner. Shteti është ortak kur ata që negociojnë mendojnë për shtetin dhe jo për veten e tyre. Porti turistik i Vlorës ndërkohë ka filluar, në Sarandë po ashtu ka filluar, po punojmë për projektin e Shëngjinit”, theksoi Rama./ B.A. - CNA.al





Lajmet e fundit nga