web counter
LEXO PA REKLAMA!

SHKARKO APP

App Store
Google Play

Meta përsërit veten/ Bën teatër politik me hallet e shqiptarëve

2023-02-27 17:46:00, Politikë CNA
Meta përsërit veten/ Bën teatër politik me hallet e
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, ka vijuar teatrin politik me hallet e shqiptarëve.

Si në çdo dalje të tij publike, edhe në mbledhjen e kryesisë së mbrëmjes së sotme, Meta ka përsëritur veten, duke përmendur çmimet e larta.

Ai tha edhe njëherë se Shqipëria ka pagat më të ulëta në rajon dhe çmimet më të shtrenjta.

“Ju e dini shumë mirë që pasojë e korrupsionit të tij është fakti që Shqipëria dikur kishte pagat mbi mesataren e rajonit, sot është për faqe të zeze. Dhe prandaj kjo është një nga arsyet e largimit masiv të qytetarëve tanë, si në asnjë vend tjetër të rajonit tonë. Nëse në vitin 2022, paga mesatare bruto në Maqedoninë e Veriut është 832 euro, në Serbi 836 euro, në Malin e Zi 900 euro dhe në Bosnje Hercegovinë është 936 euro në Shqipëri është 518 euro. Ju e dini gjithashtu shumë mirë se nëse në Shqipëri për një familje është ndihmë ekonomikë 58 euro në muaj, në Kosovë është dhënë 100-120 euro në muaj.

Ndërkohë që buxheti i Shqipërisë është dyfishi i atij të Kosovës. Kjo gjë vlen edhe për pensionet, kjo gjë vlen edhe për pagat dhe më mirë se kushdo këtë gjë e dinë edhe pedagogët tanë që vazhdojnë të luftojnë dhe të këmbëngulin që të kenë pas 2 vjetësh nivelin e pagave të pedagogëve të Kosovës. Këtë e dinë shumë mirë studentët tanë që nuk kanë asnjë mbështetje nga kjo qeveri dhe kërkojnë thjesht 100 euro në muaj mbështetje siç marrin prej kohësh studentët e Kosovës për të përballuar rritjen e çmimeve dhe të kostos së jetesës”, theksoi kreu i PL-së./ B.A. – CNA.al





Lajmet e fundit nga