web counter
LEXO PA REKLAMA!

SHKARKO APP

App Store
Google Play

Mazhoranca i nxori jashtë Parlamentit/ Spaho nuk i ndahet Ramës: Ka përdorur para të pista

2023-02-20 19:37:00, Politikë CNA
Mazhoranca i nxori jashtë Parlamentit/ Spaho nuk i ndahet Ramës: Ka
Deputeti i Partisë Demokratike, Edmond Spaho

Deputeti i Partisë Demokratike, Edmond Spaho, ka folur mbrëmjen e sotme për përjashtimin e tij dhe të kolegëve demokratë nga Kuvendi, si dhe për skandalin McGonigal.

Spaho tha në një intervistë me Sonila Meçon se përjashtimi është bërë për llogari të kryeministrit Edi Rama, që të mos lejojë opozitën të ngrejë komision hetimor.

Ai pretendon se Rama ka përdorur para të pista për të ekzekutuar opozitën dhe për këtë duhet hetuar.

"Përjashtimi është tërësisht një sjellje arbitrare nga ana e maxhorancës dhe copy-paste e qëndrimeve që mban Rama. Këtu nuk bëhet fjalë për shkeljen të rregullores por po mbajmë qëndrime politike, ne po protestojmë.

Pas një morie me skandale politike dhe financiare po edhe problemet me emigracionit na u desh dhe një mega-skandal me përmasa ndërkombëtare ku involvon Shqipërinë dhe SHBA-në. Ky skandal ka veçori mjaft shqetësuese, që nuk ka të bëjë vetëm me opozitën, por edhe me të gjithë shqiptarët.

Rama ka përdorur para të pista, nga burime jo zyrtare nga korrupsioni dhe krimi, për të ekzekutuar opozitën, ka nxjerrë Berishën non-grata dhe i ka hapur rrugë investimeve ruse në Shqipëri, kur akuzonte opozitën se ka lidhje me rusët, ndërkohë kur Deripaska ka marrë leje ndërtimi dhe konçensione nga qeveria.

Këtu nuk ka asnjë iluzion që SPAK të hapë hetime për këto çështje, por nuk po na lejojnë as ne që të ngremë komisione hetimore. Dhe në vijim të kësaj janë përjashtuar 25 deputetë të opozitës që të mos flasin për këto skandale, ne nuk do të tërhiqemi derisa ai të japë llogari deri në një për këto akuza", theksoi deputeti./ B.A. – CNA.al





Lajmet e fundit nga