web counter
LEXO PA REKLAMA!

SHKARKO APP

App Store
Google Play

Garda bllokon Vokshin dhe Hotin në Kuvend/ Deputetja: Kemi marrë dënim politik

2024-02-22 10:17:00, Politikë CNA

Garda bllokon Vokshin dhe Hotin në Kuvend/ Deputetja: Kemi marrë

Deputetet Albana Vokshi dhe Elda Hoti nuk u lejuan të marrin pjesë në seancën e sotme plenare.

Në një prononcim për mediat, Vokshi tha se dënimi i saj për të mos marrë pjesë në seancë është politik.

Ajo u ndal edhe te mbledhja e djeshme e Byrosë së Kuvendit, e cila u shty për shkak të mosplotësimit të kuorumit.

Deputetja tha se mbledhja dështoi me urdhër të kryemninistrit Edi Rama.

“Unë dhe kolegia Elda Hoti nuk u lejuam prej Gardës me urdhër të Lindita Nikollës pë të hyrë në seancë plenare. Dje u njoftua mbledhja e Byrosë së Kuvendit pas ankimimit për vendimet e Sekretariatit, që është shndërruar në një organ censure. Ne deputetet kërkuese ishim prezente, ndërsa mbledhja u dështua. Në bazë të audios dhe videos që unë disponoj nuk ka pasur asnjë fakt, asnjë dëshmitar për dënimin e tyre, pra është një dënim politik.

Kur proteston me një pankartë në dorë përjashtohesh. Kemi bërë sërish një letër sot në bazë të dështimit të mbledhjes së Byrosë Politike se Byro Politike është ajo, e kam njoftuar kryeparlamentaren që unë do futem, sot përsëri gjejmë Gardën përpara”, theksoi Vokshi./ CNA





Lajmet e fundit nga