web counter
LEXO PA REKLAMA!

SHKARKO APP

App Store
Google Play

Fushata elektorale, në spektin e Bamir Topit/ Ish-presidenti, kritika të forta politikës

2023-05-16 17:49:00, Politikë CNA
Fushata elektorale, në spektin e Bamir Topit/ Ish-presidenti, kritika
Ish-presidenti Bamir Topi

Ish-presidenti Bamir Topi ka bërë kritika të forta për politikën, teksa analizoi fushatën elektorale të mbajtur për këto zgjedhje vendore.

Topi tha se fushata u dominiua nga krerët e partive politike, duke lënë në hije kandidatët. Ai u shpreh se PS bëri një fushatë vulgare, ndërsa për opozitën pretendon se statusi “non-grata” i Berishës ndikoi në rezultat.

“Fushata sipas meje nuk lidhej me qëllimin e një fushate administrative, ishte një fushatë politike ku krerët e partive monopolizuan dhe nuk lanë hapësirë për kandidatët. Nga ana e mazhorancës një fushatë jashtëzakonisht vulgare. Përsëritet historia ku njerëzit që kanë përgjegjësi nuk ofrojnë asgjë.

Statusi ‘non-grata’ i Berishës ka ndikuar në rezultat, sepse së pari ndikoi në përçarjen e PD. Berisha për të qëndruar në lojë u bashkua me partinë e zotit Meta. E shoh këtë me atë që kryeministri tha sot, që i doli së brendshmi. Falenderoi votuesit e djathtë që nuk shkuan të votonin. Ai urdhëron strukturat të bëjnë analizat për rezultatin. Kjo paralajmëron çdo ndodhë në zgjedhjet e ardhme.

PS vijon të jetë në organizim. Kampi i majtë është i update-uar. Dorëheqja është akt civil i përgjegjësisë së lartë individuale, duhet të jetë rezultat i reflektimit të tij. Nëse këta njerëz që e sollën situatën deri këtu nuk reflektojnë, rezultati i ardhshëm është i paralajmëruar”, theksoi ish-Kreu i Shtetit./ CNA.al





Lajmet e fundit nga