web counter
LEXO PA REKLAMA!

SHKARKO APP

App Store
Google Play

Berisha takon veprimtarin shqiptaro-amerikan/ Zbardhen diskutimet

2022-06-26 20:59:00, Politikë CNA
Berisha takon veprimtarin shqiptaro-amerikan/ Zbardhen diskutimet
Kryetari i Partisë Demokratike, Sali Berisha dhe veprimtari shqiptaro-amerikan, Agim Aliçkaj

Ish-kryeministri dhe kryetari i Partisë Demokratike, Sali Berisha, ka zhvilluar sot një takim me bashkethemeluesin e Ligës Qytetare shqiptaro-amerikane dhe veprimtarin e shquar të Shoqatës atdhetare shqiptaro-amerikane, Vatra, Agim Aliçkaj.

Me anë të një statusi në rrjetet sociale, Berisha bën me dije se me Aliçkajn diskutoi lidhur me situatën e vështirë që po kalon kombi shqiptar.

Gjithashtu kreu i PD-së tregon se ka falenderuar veprimtarin shqiptaro-amerikan për kontributin që ka dhënë në mbrojtjen e çështjes kombëtare dhe në promovimin e librave të Nusret Pllanës kushtuar genocidit serb.

“Takim me z.Agim Aliçkaj!

Të dashur miq,

Unë prita në një takim të veçantë personalitetin e shquar të diasporës sonë, bashkëthemeluesin e Ligës Qytetare Shqiptaro Amerikane me Joseph Dioguardin dhe veprimtarin e shquar të Shoqatës atdhetare Shqiptaro-Amerikane, Vatra.

Në takim, unë i shpreha zotit Aliçkaj mirënjohjen time për kontributin e çmuar të tij dhe familjes së tij dhe të Lidhjes Qytetare Shqiptaro-Amerikane dhe Vatrës në mbrojtjen e çështjes Kombëtare, çlirimin e Kosovës dhe demokracisë në Shqipëëri.

Një falenderim të veçantë i bëra zotit Agim Aliçkaj për sponsorizimin dhe promovimin e librave të Profesor Nusret Pllanes kushtuar genocidit ciklik serb, të filluar nga mesi i shekullit të 19-të deri në fundin e shekullit të 20-të.

Në takim diskutuam lidhur me situatën e vështirë që po kalon kombi shqiptar sot pas shndërrimit të Tiranës nga Edi Rama, vasal i serbomadhit Vuçiç, në Beogradin e Vogël.

Biseda ishte e hapur dhe kaloi me mirëkuptim të plotë. #sb”, shkruan ish-kryeministri./ B.A. – CNA.al





Lajmet e fundit nga