Berisha flet me shifra/ 935 mijë shqiptarë kanë braktisur Shqipërinë

2023-02-06 17:39:00, Politikë CNA

Berisha flet me shifra/ 935 mijë shqiptarë kanë braktisur

Kryetari i PD-së, Sali Berisha

Kryetari i PD-së, Sali Berisha, po zhvillon një takim me kandidatët për kryetarë bashkie në të gjithë vendin.

Berisha në fillim të takimit i quajti misionarë për të çuar përpara kauzën e lirisë, për të përmbysur sistemin monist të vendosur më mbështetjen e mafies shqiptare, europiane dhe botërore.

Më tej, Berisha shënjestroi kryeministrin Rama, teksa e akuzoi se arriti të vendosë monizmin e plotë dhe kontrollin total mbi të gjitha pushtetet.

Gjithashtu, ai foli edhe për braktisjen e vendit, teksa deklaroi se 935 mijë shqiptarë janë larguar drejt vendeve të BE-së.

Berisha flet me shifra/ 935 mijë shqiptarë kanë braktisur

“Në kushtet e një vendi ku kandidaturat e krahut tjetër i përcakton droga, narkoeurot, bandat, klanet e tyre, prania juaj në garë elektorale është prania e misionarëve të vërtetë. Misionarëve për të çuar më përpara kauzën e lirisë dhe dinjitetit. Misionarëve për të përmbysur sistemin monist të vendosur me mbështetjen e mafias shqiptare, rajonale, evropiane dhe botërore. Edi Rama arriti të vendosë në Shqipëri, monizmin e plotë. Të vendosë kontrollin e plotë dhe total në të gjitha pushtetet, sepse rrëmbeu votën e lirë të qytetarëve shqiptarë. E shndërroi atë në një vlerë fiktive, jo reale.

Shndërroi ndërkohë narkoeuron dhe grupet e saj, vendimmarrësin më kryesor për fatin e Shqipërisë, fatet e demokracisë shqiptare, fatet e vendit.

Berisha flet me shifra/ 935 mijë shqiptarë kanë braktisur

Me shumë, shumë dhimbje, me shumë, shumë keqardhje informoj ju dhe shqiptarët se statistikat e fundit të Eurostatit, që deri në vitin 2021, informonin se 744 mijë shqiptarë e kanë lënë Shqipërinë për vendet e BE-së, kjo shifër para pak ditësh është azhurnuar dhe sot janë 935 mijë shqiptarë që kanë lënë Shqipërinë këto vite vetëm në BE, e jo ata që janë në SHBA, Kanada, Norvergji, pra në hapësirën jo Shengen, jo të BE-së.

Kurrë në histori ky vend nuk është shkretuar nga një pushtim, apo një regjim siç po shkretohet këto vite. Sot një thirrje e përgjithshme është; të shpëtojmë Shqipërinë, ti dalim zot. Shqipëria po evaporon, po zhduket, po vdes me shpejtësi në këtë mënyrë. Nuk ka një vend tjetër në mënyrë absolute që në harkun kohor 2014-2022 të ketë humbur mbi 35 % të popullsisë së vet. Këto të dhëna dramatike e bëjnë misionin tuaj edhe më jetik për vendin, për shpëtimin e vendit”, thekosi kryedemokrati./ B.A. – CNA.al