web counter
LEXO PA REKLAMA!

SHKARKO APP

App Store
Google Play

Ish-themeluesi i PD-së Vlorë u nda nga jeta/ Mesazhi i Leskajt: Përqafoi idealet demokratike

2023-02-05 16:38:00, Politikë CNA
Ish-themeluesi i PD-së Vlorë u nda nga jeta/ Mesazhi i Leskajt:
Mario Sota

Ditën e djeshme u nda nga jeta një nga themeluesit e Partisë Demokratike të Vlorës, Mario Sota.

Për humbjen e parakoshme të demokratit ka dhënë një mesazh ngushëllimi deputeti Bujar Leskaj, i cili e quan Sotën qytetar model vlonjat.

Ai deklaron se 60-vjeçari ishte nga të parët qytetarë intelektualë të Vlorës, që përqafuan idetë e idealet demokratike.

Leskaj shprehet se kudo ku Sota ka punuar, është dalluar si njeri i ditur, i qetë e i matur, si drejtues plot vlera, si njeri i drejtë e parimor.

“Dje, në 04.02.2023, në moshën 60- vjeçare, u nda përpara kohe nga jeta miku ynë, themeluesi i PD, qytetari model vlonjat, Ing. Mario Sota.

Qytetar i vjetër vlonjat, që buronte mirësi, tolerancë e vlera, lindur e rritur në Skelë, i urtë, i qetë, model qytetarie e përkushtimi u largua në përjetësi nga një sëmundje e rëndë!

Ikja e tij la një boshllëk të madh e të pazëvendësueshëm jo vetëm për familjen, por edhe për ne, shokët e miqtë e tij të shumtë.

Ish-themeluesi i PD-së Vlorë u nda nga jeta/ Mesazhi i Leskajt:

Ing. Mario Sota ishte nga të parët qytetarë intelektualë të Vlorës, që përqafuan idetë e idealet demokratike dhe ndër themeluesit e Partisë Demokratike në Vlorë.

Si demokrat karakterizohej nga ndershmëria, përkushtimi. Asnjëherë  nuk e fshehu mendimin dhe qëndrimin e tij, edhe kur nuk ishte në përputhje me mendimet dhe vendimet e drejtuesve të lartë të PD.

Kudo ku punoi si inxhinier elektrik, apo drejtues i lartë institucionesh Ing. Mario Sota u dallua si njeri i ditur, i qetë e i matur, si drejtues plot vlera, si njeri i drejtë e parimor.

Nga Ing. Mario Sota nuk do të harroj kurrë kontributin e përkushtimin në fushatat zgjedhore të vitit 2005 dhe sidomos angazhimin e tij në fushatën e zgjedhjeve të 25 prillit 2021, gjatë së cilës ai ishte njëri nga drejtuesit e lartë dhe kontributorët më të spikatur të shtabit elektoral të PD.

Në fushatën e 25 prillit 2021, inxhinieri i talentuar Mario Sota, ishte ndër hartuesit e programit elektoral për Vlorën në fushën e energjitikës dhe infrastrukturës dhe duke denoncuar mungesën e transparencës, keqqeverisjen dhe skandalet e sektit Rama, i dha një vlerë të shtuar fushatës sonë.

Drejtoi njërin nga bordet më të rëndësishme e më aktive, atë të energjitikës dhe infrastrukturës.

Ikja e tij e parakohshme na mbush me trishtim, sepse Ing. Mario Sota kishte ende shumë për t'i dhënë familjes, miqve, Vlorës e Partisë Demokratike.

Qofsh i Parajsës, i dashur mik!”, shkruan deputeti./ B.A. – CNA.al





Lajmet e fundit nga