E fundit!

22:02 TODAY

Lamallari responds to Kiki: The officers were raped, the police acted according to the law

Interior Minister Besfort Lamallari responded to analyst M...

Partia e Lirisë ashpërson gjuhën ndaj Veliaj/ Numërojnë akuzat për kryebashkiakun socialist

2023-02-04 14:06:00, Politikë CNA

Partia e Lirisë ashpërson gjuhën ndaj Veliaj/

Partia e Lirisë, ka akuzuar për mashtrim kryebashkiakun e Tiranës, Erion Veliaj.

Sipas sekretares për Marrëdhëniet me Publikun, Silva Caka, Veliaj vazhdon të mashtrojë për përgjegjësitë e rënda që ai ka për bashkinë që drejton që prej 2015-s.

“Erion hajduti, që iu vjedh shqiptarëve 29 Euro/ton ose 80.000 Euro/ditë, për procesin e pretenduar të djegies së mbeturinave, deklaron se nuk mban përgjegjësi për atë çfarë ndodh pasi plehrat dorëzohen në derën e kompanisë që ka marrë koncensionin 30 vjeçar të incenerimit të mbetjeve.

Erion Veliaj, që firmosi nëpërmjet Taulant Tushës, mercenarit të lekëve të punëve publike në Bashkinë e Tiranës, mashtron dhe përpiqet t’i shmanget përgjegjësisë që rëndon vetëm mbi të, duke thënë se nuk është detyra e tij të dijë çfarë ndodh pas dorëzimit të mbetjeve në dyert e kompanisë.

Por ky është një mashtrim i madh, sepse Erion Veliaj ka firmosur pa vendim të Këshillit Bashkiak, duke ia rrëmbyer kompetencat këtij Këshilli, që 130 milionë Euro nga taksat e banorëve të Tiranës, t’i shkojnë një kompanie që nuk përmbush detyrimet për të cilat paguhet”, është shprehur Caka në një dalje për mediat.

Sipas Cakajt, Erion Veliaj grabit miliona euro të qytetarëve me ndërgjegje të plotë, pasi në kontratë është e qartë që i gjithë kontrolli për kryerjen e ndarjes dhe riciklimit të mbetjeve, i takon Bashkisë së Tiranës.

“Në kontratën 30 vjeçare të inceneratorit që nuk ekziston, thuhet se kompania që ka marrë deri tani 54 milionë Euro, duhet të kryejë ndarjen, riciklimin dhe djegien e mbetjeve, por shqiptarët kanë parë me fakte se aty ndodh vetëm një proces, ai i groposjes.

Pra, shqiptarët kanë paguar edhe për ndarje e riciklim të mbetjeve, të cilat nuk kryhen. Aty, kryhet vetëm një groposje primitive, që rrezikon seriozisht ujërat nëntokësore dhe ambientin.

Kryhet një groposje primitive dhe e njëjtë me atë që kryhet në Bashkinë ë Shkodrës, por për shkak të hajdutërisë së Erion Veliajt, qytetarët paguajnë 2 herë më shumë, plot 29 Euro apo 35 mijë lekë të vjetra, ndërkohë që në Bashkinë e Shkodrës paguhen vetëm 16 mijë lekë të vjetra”, ka thënë më tej Caka.

Për shkak të kësaj vjedhjeje, argumenton PL, nuk ka fonde për periferitë e Tiranës, ku rrugët e brendshme janë në gjendje skandaloze, ku ujërat e zeza dalin në sipërfaqe, si pasojë e amortizimit të kanalizimeve.

Gjithashtu për shkak të kësaj vjedhjeje, sipas PL-së, fëmijët vazhdojnë shkollën me turne, uji i pijshëm vjen me orare është i pakonsumueshëm, duke detyruar qytetarët ta blejnë me bote.

“Vjedhja është arsyeja pse qytetarët e Tiranës kanë taksat më të larta në Shqipëri, por pavarësisht taksave, nuk marrin shërbime.

Mirëpo pavarësisht fshehjes që tenton Erion Veliaj, Partia e Lirisë është e vendosur t’i çjerrë gjithë propagandën që Erion Veliaj shpërndan me kaseta të montuara.

Do t’u tregojmë çdo ditë shqiptarëve që Erion Veliaj ka përgjegjësinë kryesore në vjedhjen që ndodh në inceneratorin që nuk ekziston e po ashtu do t’u tregojmë shqiptarëve se si Erion Veliaj i shpenzon paratë e vjedhura të qytetarëve, duke lënë Tiranën në mjerim e duke shpërdoruar paratë në udhëtime nëpër Europë.

Paratë e shqiptarëve shpërdorohen për udhëtime qejfi, për kaseta të montuara, për tendera që i fitojnë klientët e Erion Veliajt, por punimet i kryen Bashkia e Tiranës, për 8000 këshilltarë e patronazhistë te punësuar në Bashkinë e Tiranës, me qëllim amplifikimin e propagandës së Erion Veliajt e për blerjen e mbylljen e gojëve kritike apo mediave që iu tregojnë shqiptarëve fytyrën e vërtetë të Erion Veliajt.

Erion Veliaj, i detyrohet shqiptarëve të paktën 1.3 miliardë eurot e buxhetit të Bashkisë në 4 vitet e fundit, të cilat i ka vjedhur e shpërdoruar.

Por pavarësisht të gjitha tentativave, Erion Veliaj ka dalë lakuriq përpara të gjithë shqiptarëve, të cilët më 14 Maj do t’a shkulin Erionin me gjithë rrënjë nga bashkia që meriton të jetë e gjithë shqiptarëve, jo vetëm e qytetarëve të Tiranës”, ka përfunduar reagimin Caka./CNA.al