web counter
LEXO PA REKLAMA!

SHKARKO APP

App Store
Google Play

Basha tradhtohet nga besnikët e tij

2024-06-11 18:55:00, Politikë CNA
Basha tradhtohet nga besnikët e tij
Lulzim Basha, deputet

Ditën e sotme, Gjykata e Apelit mori vendimin për t’i kaluar simbolet e PD-së Sali Berishës, duke rrëzuar Lulzim Bashën dhe grupin e tij me një grup merecenarësh.

Vetë Basha, pak para mbledhjes me grupin e tij, i cili tashmë mund të themi se nuk ekziston më,  deklaroi se nuk do ta diskutojë vendimin e Gjykatës por do të ndërmarrë veprime ligjore.

“Nuk do të diskutojmë vendimet e gjykatës, por do të ndërmarrim veprime ligjore. Vendimet do i diskutojmë në mbledhje. Të gjitha vendimet do të jenë në përputhje me atë angazhim që kemi marrë më herët. Kam qenë Lulzim Basha para se të hyj në politikë jam Lulzim Basha dhe sot”, u shpreh ai për mediat.

Pas vendimit të Gjykatës së Apelit, Lulzim Basha është braktisur dhe nga njerëzit e tij më besnikë, të cilët janë zvarritur për gjithë këtë kohë pas tij.

Basha ka mbetur fillikat, pasi mercenearët e tij e kanë tradhtuar dhe kanë deklaruar se do të respektojnë pikë për pikë vendimin e Gjykatës së Apelit.

Luli është tradhtuar nga krahu i tij i djathtë Enkelejd Alibeaj, po ashtu dhe nga Kreshnik Çollaku.

“Unë jam deputet i PD dhe do mbetem deputet i PD. Vendimi është marrë, ne do ta respektojmë”, është shprehur Çollaku.

I pyetur a do ta zbatojnë vendimin e Apelit, Alibeaj nuk ka nguruar asnjë moment duke thënë se do ta zbatojë pikë për pikë pas asnjë hezitim.

Luli Basha i braktisur masivisht tashmë është në kërkim të mbijetesës politike.

Pas humbjes së vulës nga Gjykata e Apelit, përveçse ankimimeve dhe hapave të tjerë ligjorë që pritet të jenë veprime për të mbajtur me shpresë njerëzit, Lulzim Basha është duke përgatitur një koalicion.

Basha dhe të tijtë po përgatiten të kenë një koalicion me disa parti të vogla dhe nëpërmjet vulës së tyre apo hapësirave ligjore që kanë të krijojnë një grupim politik për të dalë në zgjedhjet e ardhshme parlamentare./ CNA

 





Lajmet e fundit nga