web counter
LEXO PA REKLAMA!

SHKARKO APP

App Store
Google Play

Arrestimet për korrupsionin e qeverisë/ Duka: Nuk shoh revoltë tek qytetarët, pse ndodh pasiviteti

2024-06-10 20:16:00, Politikë CNA
Arrestimet për korrupsionin e qeverisë/ Duka: Nuk shoh revoltë
Kryetari i PAA, Agron Duka

Kryetari i PAA, Agron Duka ka folur për valën e akuzave dhe arrestimeve për korrupsionin e qeverisë.

Duka është shprehur se pas këtyre zhvillimeve duhet të ishte rritur mbështetja për opozitën por në fakt kjo nuk po ndodh dhe nuk shikon revoltë të qytetarëve.

Kreu i PAA thekson se nëse kjo do të ndodhte në një vend tjetër të botës, qytetarët do të dilnin masivisht në rrugë.

I pyetur pse ky lloj pasiviteti nga ana e qytetarëve, Duka deklaroi se ka elementë dëshpërues që ndikojnë, që s’kanë më nerv për të reaguar dhe se duan vetëm të ikin.

Por shton se ka dhe arsye të tjera si rënia dhe plakja e popullsisë, lodhja nga politika e të tjerë.

Pjesë nga intervista

-Z.Duka, jo vetëm reportazhet e RAI-t, por edhe vala e akuzave dhe arrestimeve për korrupsion, a po prodhojnë politikë? Dmth, ndërsa shqiptarët mësojnë më shumë për korrupsionin e qeverisë, a është rritur mbështetja për opozitën?

-Në fakt kështu do të duhej të ndodhte. Por s’jam shumë i sigurtë që ka ndodhur edhe pse sondazhet nuk janë shumë të besueshme. Unë s’e di se çfarë mendon një burrë apo një grua në shtëpinë e tyre kur shikojnë lajmet që tregojnë se çfarë bën qeveria e tyre, por në sipërfaqe nuk e shikoj këtë lloj “revolte” të njerëzve. Të themi të drejtën, në çdo vend tjetër qytetarët do të dilnin masivisht në rrugë po të mësonin se çfarë kanë bërë në bashki me taksat e tyre, apo se çfarë ka bërë qeveria e tyre.

-Përse ky lloj pasiviteti, i besoni ju teorisë se shqiptarët janë nështruar, s’kanë më nerv për të reaguar, duan vetëm të ikin, pra janë dorëzuar?

-Tani, që ka nga këto elementë dëshpërues, ka. Të paktën sondazhet e tregojnë se më shumë se gjysma e popullisë duan të ikin nga vendi. Por ka edhe arsye të tjera. Rënia dhe plakja e popullisë, lodhja nga politika etj. Por nuk mendoj se është kjo gjithçka./ CNA





Lajmet e fundit nga