web counter
LEXO PA REKLAMA!

SHKARKO APP

App Store
Google Play

Albert Mëlyshi i mori Mirditën/ Ndrec Dedaj pranon humbjen: Sovrani nuk gjykohet

2023-05-15 18:13:00, Politikë CNA
Albert Mëlyshi i mori Mirditën/ Ndrec Dedaj pranon humbjen: Sovrani
Ndrec Dedaj

Ndrec Dedaj, kryebashkiaku në detyrë i Mirditës, i cili kërkoi një tjetër mandat, ka pranuar humbjen ndaj Albert Mëlyshit të koalicionit “Bashkë Fitojmë”.

Me anë të një statusi në rrjetet sociale, Dedaj shpreh mirënjohje për qytetarët, ndërsa thotë se sovrani nuk gjykohet.

Ai i uron suksese Mëlyshit për fitoren, pasi qytetarët i besuan votën këtij të fundit.

“Të dashur bashkëqytetarë, sëbashku me ju po përmbyllim një rrugëtim 8 vjeçar në krye të punëve të Bashkisë Mirditë. Ju shpreh mirënjohje pa kufij që më dhatë mundësinë të përmbushja një ëndërr, që gjith dashurinë që kam patur dhe kam për Mirditën dhe ju, ta përkthej nëpërmjet punës me gjithë fuqinë e mendjes dhe të zemrës, në të mira publike, sociale e shpirtërore, tashmë të prekshme dhe të pranuara nga të gjithë. Garova dhe për një rrugëtim tjetër 4 vjeçar pasi kisha projekte e punë të tjera për të kryer, por ju e besuat votën tuaj për kundërshtarin tim në këto zgjedhje, Albert Mëlyshin.

I uroj Albertit suksese në detyrën e lartë të Kryetarit Bashkisë dhe bëftë më të mirën për Mirditën dhe ju të dashur qytetarët e mijë.

Sovrani nuk gjykohet.

Mirdita mbi të gjitha.

I juaji Ndrec Dedaj”, shkruan kandidati i PS-së./ CNA.al





Lajmet e fundit nga