web counter
LEXO PA REKLAMA!

SHKARKO APP

App Store
Google Play

Absurdi i qeverisë/ Kush e ka pensionin mbi 13.100 lekë nuk e merr 3000 lekëshin e solidaritetit social

2022-08-10 17:49:00, Opinione Xhovan Shyti
Absurdi i qeverisë/ Kush e ka pensionin mbi 13.100 lekë nuk e merr
Gazetari Xhovan Shyti

Në një lajm të fundit të transmetuar nga media, komunikohet se Qeveria ka planifikuar të rikthejë paketën e solidaritetit social për shtresat në nevojë, ku midis të tjerëve përfshihen dhe marrësit e pensioneve të ulëta.

Shuma e planifikuar në paketë është dhënia e 3000 lekëve shtesë për pensionist gjë që sipas qeverisë, bëhet për të kompesuar rritjen e çmimeve të artikujve të shportës.

Skema nuk është e panjohur. Qeveria e aplikoi atë edhe në 3 muajt e shkuar: mars, prill, maj duke u dhënë të njëjtën vlerë, pra 3000 lekë çdo pensionisti që përfitonte pension mujor deri në shumën 13.100 lekë. Të tjerët që përfitonin qoftë dhe 1 qindarkë më shumë se ky kufi nuk e përfituan shtesën e kompesimit 3000 lekë, a thua se ata janë të pasur dhe nuk kanë nevojë për këtë shumë  që ndikon diçka në shpenzimet mujore.

Si atëherë, dhe tani,  zyrat përkatëse të qeverisë e hartuan lajmin pa dhënë detaje rreth kufirit të shumës së lekëve të pensionistëve përfitues të 3000 lekëve as dhe për numrin e pensionistëve përfitues.

Pra në njoftimin zyrtar mediatik nuk citohet se shumën 3000 lekë e përfitojne ata persona që e kanë pensionin mujor deri në 131.100 lekë dhe nuk e përfiton askush tjetër që e kalon këtë kufi qoftë dhe me qindarka.

Pse nuk jep detaje qeveria por e harton lajmin sipas interesit të vet, duke fshehur të vërtetën?

Së pari, sepse keshtu krijohet ideja se përfitues të paketës së ndihmës janë të gjithë pensionistët, pa kufi shumë mujore të përfituar, ndërkohë që pensionistët  përfitues të mbi 131.100 lekë e sipër përbëjnë nivelin më të madh të pensionistëve, qe edhe në këtë paketë të dytë, ngasa po duket do të mbeten pa 3000 lekëshin e paketës së solidaritetit social.





21:29 Opinione Lutfi Dervishi

We did it for 1 lek!

The news that the Transparency Board has reduced the p...

11:09 Opinione Klodian Tomorri

The joker of progress!

He is comparing us with the Prime Minister, just as a ...

Lajmet e fundit nga