Reperi Don Xhon gjobitet/ Zbulohet arsyeja

2022-11-18 18:17:00, Lifestyle CNA

Xhonatan Isufi i njohur ndryshe për publikun si Don Xhoni së fundmi është gjobitur me 2 mijë euro.

Reperi gjatë fjalës së tij ka shprehur pendesë të madhe.

“Ndihem shumë i penduar dhe shpresoj të mos ndodhë më kurrë”,– ka thënë reperi.

Ai është akuzuar për veprën penale penale “Mbajtja në pronësi, kontroll ose posedim të paautorizuar të armëve”.

Neni thekson se “Mbajtja në pronësi, kontroll ose posedim të paautorizuar të armëve” nga neni 366, paragrafi 1 të Kodit Penal të Republikës së Kosovës (KPRK), vepër kjo e dënueshme me gjobë deri në 7 mijë e 500 euro ose me burgim deri në pesë vjet.

Gjatë kontrollit të makinës së tij, reperit iu gjet një psitoletë e tipit “Cervena zastava” me një karikator dhe gjashtë fishekë të kalibirit 7,65 mm.

Kjo nuk është hera e parë që Don Xhoni ka problem e ligjin, pasi vetëm brenda këtij viti ai është kapur disa herë për armë pa leje.

Në qershor të ktij viti atij iu sekuestrua një armë brendë së cilës kishte 6 fishekë.

Pas kësaj ngjarje Don Xhoni deklaroi në një “LIVE” në Instagramin e tij

“Gjithçka është në rregull, nën kontroll, gjithçka është stabile, respekte për Policinë e Kosovës dhe sjelljen e tyre”./CNA.al