web counter
LEXO PA REKLAMA!

SHKARKO APP

App Store
Google Play

U nis për në punë, por u zhduk pa gjurmë/ Çfarë dëshmuan kolegët e ish-efektivit Anton Preni

2023-01-25 21:31:00, Kronika CNA
U nis për në punë, por u zhduk pa gjurmë/ Çfarë
Ish-efektivi Anton Preni

Të dielën e 5 gushtit të 2012-ës, ish-efektivi Anton Preni u nis për të bërë turnin e parë në punë, në fabrikën e Tullave dhe Çimentos të Fushë-Krujës.

Por Preni nuk u paraqit në punë dhe që prej asaj dite fati i tij ka mbetur i pazabrdhur. Në emisionin e Klodiana Lalës u publikuan dëshmitë e dhëna më parë nga dy kolegë të ish-efektivit.

Njëri prej kolegëve tregon se Anton Prenin e kishte takuar një ditë para se të zhdukej dhe mëngjesin e të dielës, kur duhej të paraqitej në punë, ai nuk kishte shkuar.

“Ditën e shtunë, unë isha turni i tretë.

Të shtunën në mëngjes, erdhi Antoni bashkë me dy shokë të tjerë, Ajetin dhe Xhevdetin. Unë të dielën kisha dasmë, dhe u thashë që do flas me përgjegjësin që ta bëj pushim të nesërmen. Antoni më tha që nuk kam mundësi me dalë. Unë erdha të shtunën në darkë në punë dhe bëra turnin e tretë. Në mëngjes prita se po më vjen dikush, Antoni me Xhevdetin, por nuk erdhi askush.

Në orën 10.00 mora në telefon të shtëpisë së Antonit.  Doli goca, ku i thashë se Antoni nuk ka ardhur në punë….”, thuhet në dëshminë e Shkëlqim Dokut.

Ndërkohë, një koleg tjetër deklaron se kur ka shkuar në punë nuk e ka gjetur Anton Prenin si gjithmonë dhe kishte telefonuar vajzën e ish-efektivit.

“Atë ditë Antoni ka qenë turni i parë. Unë kam shkuar turni i dytë në orën 14.30. Por Antonin nuk e kam gjetur te puna. Duke parë mungesën e tij unë pyeta djalin që ishte aty, në vend të Antonit, se ku është. Ai më tha se Antoni nuk ka ardhur dhe se turnin ia kishte bërë ai. Unë e mora direkt në telefon Antonin, por në vend të tij më doli vajza, e cila më tha se: ‘babi është te puna’.

Unë i thashë se: ‘babi nuk është te puna, pasi te puna jam unë’. Dhe me kaq e mbylla telefonin.

Vajza më mori prapë në telefon dhe i thashë: ‘Kur të vijë Antoni te shtëpia të më marrë në telefon’.

Në orën 16.00 vajza, pasi e pa që babai nuk erdhi në shtëpi, më mori prapë në telefon. Dhe më tha: ‘Babi s’ka ardhur. Ku është?’

Ku ta di unë, - i thashë”, thuhet në dëshminë e Dëfrim Nikës./ B.A. – CNA.al





Lajmet e fundit nga