web counter
LEXO PA REKLAMA!

SHKARKO APP

App Store
Google Play

U kap duke transportuar armë dhe municion me qëllim shitjen/ 46-vjeçari përfundon në pranga

2026-03-17 11:51:00, Kronika CNA

U kap duke transportuar armë dhe municion me qëllim shitjen/

Një 46-vjeçar është arrestuar në flagrancë në rrugën e fshatit Shëngjergj në Tiranë. Në pranga është vënë shtetasi U.M., i cili u kap duke transportuar armë dhe municion me qëllim shitjen.

Bëhet me dije se në automjetin u gjetën dhe sekuestruan në cilësinë e provës materiale, 4 kallëpë tritoli, 2 armë zjarri dhe 1500 fishekë të kalibrave të ndryshëm.

Njoftimi i policisë:

Tiranë/Finalizohet operacioni i koduar “Synimi". Sekuestrohen 4 kallëpë tritoli, 2 armë zjarri dhe 1500 fishekë.

Arrestohet në flagrancë shtetasi që transportonte armët dhe municionin, që dyshohet se i kishte marrë në fshatin Shëngjergj, me qëllim shitjen në Tiranë.

Si rezultat i punës intensive operative dhe operacionale, me qëllim identifikimin dhe arrestimin e menjëhershëm të shtetasve të përfshirë në transportim/shitje të armëve shpërthyese dhe armëve të zjarrit, për përdorim në ngjarje kriminale, shërbimet e Komisariatit të Policisë Nr. 4 finalizuan me sukses operacionin e koduar “Synimi".

Gjatë operacionit, u kap në flagrancë, në rrugën e fshatit Shëngjergj, shtetasi U. M., 46 vjeç, banues në Tiranë.

Nga kontrolli në automjetin që drejtonte, u gjetën 4 kallëpë tritoli, 2 armë zjarri dhe 1500 fishekë të kalibrave të ndryshëm.

Armët dhe municioni u sekuestruan me cilësinë e provës materiale, së bashku me automjetin dhe celularin e të arrestuarit.

Vijon hetimi, në drejtimin e Prokurorisë, me qëllim nxjerrjen përpara përgjegjësisë penale, të shtetasve të tjerë të përfshirë në këtë veprimtari kriminale.

Materialet procedurale iu referuan Prokurorisë së Tiranës, për veprime të mëtejshme. /CNA





19:11 CRIME

Gunshots in Saranda

Gunshots have been reported at the entrance to the city of...

Lajmet e fundit nga