Sëmundja i merr jetën 18-vjeçares shqiptare/ Letra prekëse e vajzës: Nuk doja të ndihesha ndryshe

2023-01-17 19:46:00, Kronika CNA

Sëmundja i merr jetën 18-vjeçares shqiptare/ Letra prekëse

Gerta Allushi

18-vjeçarja shqiptare, Gerta Allushi, ka humbur betejën me tumorin në spitalin “Burlo Garofolo” të Triestes, në Itali.

Shqiptarja jetonte me prindërit dhe motrën e saj në Tauriano të shtetit fqinj, ndërsa studionte në liceun Grigoletti.

Sëmundjen ajo e zbuloi në vitin 2018, por pavarësisht kësaj, e reja shqiptare nuk i humbi shpresat dhe ndoqi ëndrrën për tu diplomuar duke studiuar online.

Këtë gjë ajo e ka evidentuar në një letër që ka shkruar para se të ndërronte jetë.

Letra e publikuar nga media italiane “Il Messaggero”:

Një gjë për të cilën shpesh jam qortuar nga familja dhe njerëzit e mi të dashur, por për të cilën në të njëjtën kohë edhe lëvdohem është fakti që vijova të studioj dhe të bëj atë që bëja gjithmonë, në çdo moment të sëmundjes, edhe në ato më të vështirat.

Sëmundja i merr jetën 18-vjeçares shqiptare/ Letra prekëse

Kam menduar gjithmonë që ishte e vetmja zgjedhje që kisha, fundja i thoja vetes, jam adoleshente, çfarë mund të bëj tjetër. Nuk doja në asnjë mënyrë që të ndihesha ndryshe, apo thjeshtë të më shihnin si një vajzë të sëmurë, edhe ndonëse isha.

Tani që e mendoj, mundesha fare lehtë që t’i lija të gjitha në pauzë, sepse kisha mjaft gjëra për të menduar e për të pësuar. Por çfarë kuptimi do të kishte pasur? Thjeshtë do isha mbyllur në vetvete dhe të lija sëmundjen që të merrte më të mirën nga unë, të më dënonte dhe të më burgoste.

Ndaj vijova të bëja jetën time si gjithmonë, të studioja, të takoja miqtë e mi, të shqyrtoja çdo mundësi aktiviteti që më ofrohej, ndonëse me disa kufizime. Nëse nuk do ta kisha bërë këtë, do e kisha privuar veten nga shumë momente, njohje dhe eksperienca që më ndryshuan mua si njeri dhe këndvështrimin tim për gjërat’.

‘Ndaj mendoj që një zgjedhje që kam bërë, që më ka dhënë mundësinë të jem e lirë, ka qenë pikërisht që ta jetoja jetën që do kisha jetuar nëse nuk do isha sëmurë dhe të mos e lejoja sëmundjen që të më kushtëzonte. Nuk mund të them se gjithçka ka qenë e thjeshtë, madje me raste jam sforcuar më shumë sa duhet, por kur e mendoj them që ia ka vlejtur. Vendosa të jem e lirë, të ekzistoj dhe të jetoj pavarësisht sëmundjes./ B.A. - CNA.al