web counter
LEXO PA REKLAMA!

SHKARKO APP

App Store
Google Play

E fundit!

x

Rrëmbim personi dhe vjedhje parash/ Momente nga arrestimi i 22-vjeçarit në Laç, në kërkim nga Interpol Roma

2023-10-28 13:05:00, Kronika CNA
Rrëmbim personi dhe vjedhje parash/ Momente nga arrestimi i
Momente nga aksioni

Policia ka arrestuar në Laç 22-vjeçarin me iniciale D.Gj, i shpallur në kërkim ndërkombëtar për "rrëmbim personi" dhe "vjedhje me dhunë". 

Më 29 shtator i riu u shpall është shpallur në kërkim ndërkombëtar nga Interpol Roma, pasi gjykata dha masën e sigurisë “arrest në burg”, për veprat penale të sipërcituara.

22-vjeçari në gusht të vitit 2023, në Cassano d’Adda dhe Vaprio d’Adda, në bashkëpunim me shtetas të tjerë, u kanë vjedhur shuma parash disa adoleshentëve duke përdorur dhunë ndaj tyre. Gjithashtu, kanë rrëmbyer një shtetas tjetër dhe kanë kërkuar një shumë të madhe eurosh, në këmbim të lirimit të tij.

Njoftimi i Policisë: 

Vijojnë operacionet e njëpasnjëshme për kapjen e shtetasve të shpallur në kërkim ndërkombëtar.

Finalizohet operacioni policor i koduar “Continues”, i zhvilluar nga Fast Albania, në bashkëpunim me Komisariatin e Policisë Kurbin dhe Interpol Tiranën.

Kapet dhe vihet në pranga një 22-vjeçar i kërkuar nga drejtësia italiane, i cili fshihej në Laç.

22-vjeçari akuzohet për veprat penale "Rrëmbim personi" dhe “Vjedhja me dhunë", kryer në mënyrë të përsëritur.

Në vazhdën e operacioneve të njëpasnjëshme të zhvilluara nga njësia speciale për kapjen e shtetasve në kërkim “FAST Albania”, njësi në Drejtorinë e Forcës së Posaçme Operacionale në Policinë e Shtetit, bazuar në inteligjencën policore, në bashkëpunim me Komisariatin e Policisë Kurbin, u bë kapja e shtetasit të shpallur në kërkim ndërkombëtar D. Gj., 22 vjeç, banues në Laç.

Pas verifikimeve të kryera ndërmjet Interpol Tiranës dhe Interpol Romës, u bë arrestimi i 22-vjeçarit, me qëllim ekstradimin e tij drejt Italisë.

Më datë 29.09.2023, ky shtetas është shpallur në kërkim ndërkombëtar nga Interpol Roma, për veprat penale “Rrëmbim personi” dhe “Vjedhja me dhunë”, kryer në bashkëpunim, në mënyrë të përsëritur, pasi Gjykata e hetimeve paraprake në Milano, Itali, ka caktuar për këtë shtetas, masën e sigurisë “Arrest në burg”, për veprat penale të sipërcituara.

Ky shtetas në muajin gusht të vitit 2023, në Cassano d’Adda dhe Vaprio d’Adda, në bashkëpunim me shtetas të tjerë, u kanë vjedhur shuma parash disa adoleshentëve duke përdorur dhunë ndaj tyre.

Gjithashtu, kanë rrëmbyer një shtetas dhe kanë kërkuar një shumë të madhe eurosh, në këmbim të lirimit të tij.

Interpol Tirana vijon procedurat për ekstradimin e këtij shtetasi drejt Italisë./CNA 

 





Lajmet e fundit nga